Предыдущая публикация
Goho xayol daryosida jim
O'tkazaman tunlarni bedor.
Ba'zan g'aliz jumla ustida
Soatlab bosh qotirganim bor.
Shaloladek bo'lsa she'rlarim,
Yog'du sochsa misli alanga.
Sidqidil-la qobil o'g'ildek
Xizmat qilsa elga, Vatanga.
Hali bunga ko'p gap bor, hali
Fikrlarim tarqoq, tuyg'usiz...
Hali qancha tunlarni yana
O'tkazishim kerak uyqusiz...
Achinmayman, sizga, o'ylarim,
Achinmayman, sizga, uzun tun.
Achinmayman, chunki otashga -
Oq yo'l berar odatda uchqun!
1957
Присоединяйтесь к ОК, чтобы подписаться на группу и комментировать публикации.
Нет комментариев