М. Дробава і краязнаўчая ініцыятыва “Рудабельскі летапіс” прэзентуюць выставачны праект “Жыцця мінулага пячаць”, прысвечаны зніклым і маланаселеным вёскам Рудабельшчыны.
Урачыстае адкрыццё выставы адбудзецца 12 ліпеня ў 14:30.
Знікаюць з карты маленькія вёскі. Воспін, Параслішча, Пухічын, Сялец, Подгаць... Там, дзе бруілася жыццё, сёння толькі дрэвы шумяць і жыта калосіцца. Нейкія з вёсак перасталі існаваць больш за дзесяцігоддзе таму, нейкія — абязлюднелі зусім нядаўна. Ад’язджаючы ў горад, людзі нярэдка губляюць сувязь з роднай зямлёй і забываюцца пра карані.
Экспазіцыя “Жыцця мінулага пячаць” — гэта прастора для дыялогу аб гістарычнай памяці і пераемнасці традыцый, знітаванасці асобы з роднай зямлёй і повяззю каранёў ды крон.
Асновай праекта выступаюць фотаздымкі з сямейных архіваў мясцовых жыхароў. На гэтых кадрах паўстаюць сцэны з жыцця зніклых вёсак, абліччы колішніх жыхароў гэтых краёў. Збор дапаўняе серыя рэпартажных фатаграфій “Калісьці вёска тут стаяла”, інсталяцыі, старадаўнія прадметы побыту і ўзоры народнага мастацтва.
Запрашаем на адкрыццё выставы 12 ліпеня ў 14.30
Адрас: Акцябрскі, вул.Фрунзэ,6. т.802357 3-74-62
Присоединяйтесь к ОК, чтобы подписаться на группу и комментировать публикации.
Нет комментариев