Кўз ёши қилмасдан, видолар айтиб.
Фақат қулоғинга шуни қуйиб ол,
Мен баҳор эмасман, келмайман қайтиб!
Бир бор нигоҳингдан сачрамаса ўт,
Ишқингда озгина сезсам камомат.
Ҳатто бирон бора безовта қилмай,
Сени тарк этаман абадул абад!
Сўзингдан зарданинг эсса шамоли,
Ҳиёнат шарпасин сезсам бир марта.
Ё қўнмас учоққа оламан миниб,
Ё қайтмас поездга оламан чипта!
Сен шунга амин бўл!
Менинг сўзим сўз!
Бошқа бир манзилни қолсанг гар кўзлаб.
Мендан бир умрга умидингни уз,
Ҳатто изимни ҳам топмайсан излаб!
Ҳижолат ҳам қилма, ахтарма узр,
Карвоним бошини бураман йўлдан.
Малол олганингни озроқ ҳис қилиб,
Керак эмаслигим англасам бўлди!
Жудолик жонимга қилса ҳамки қасд,
Айрилиқ ўлимга элтса ҳам охир.
Бази енгил-елпи туйғулардан ҳам,
Менинг ғуруримнинг тошлари оғир!
Янчиб ташласа ҳам соғинч - тегирмон,
Кўнглим юрагимдан келса ҳамки зўр.
Сен яна юз йилча бўлгину омон,
Бу қайтар дунёнинг томошасин кўр!
© Малика Тавфиқ...
Присоединяйтесь к ОК, чтобы подписаться на группу и комментировать публикации.
Комментарии 3
КОНГИЛ НИДОСИ!
Бари жонга тегди бас Энди етар
Севишганлар мени кечиринг
Севги даргохини муҳиддин тарк этар
Муҳаббат ҳақида ёзмайман ашъор
Энди ортга асло қайтиш йўқ
Юракдаги орзу умидим сўнди
Сенга атаб шеър битиш қўшиқ айтиш йўқ
Муҳаббат ҳақида ёзмайман ашъор
Бу сенга айтар охирги сўзим
Ишқсиз яшашга қарор қилдим мен
Шундай ҳаётни танладим ўзимга ўзим