#Ашуро кунини улуғлаш Аллоҳ таолонинг неъмати — душманни ҳалок қилиб, нажот бергани учун У Зотга шукрона ўлароқ рўза тутиш билан бўлади. Бинобарин, бу кунда Аллоҳ Ўзининг ва пайғамбарларининг душманларига қандай муомала қилганини эслаймиз.
_____________________
[1] Саҳиҳул Бухорий (1592, 1893) ва Саҳиҳул Муслим (1125).
__________________________________________
Баъзи одамлар Ашуро кунига хослаб кўп бидъатлар жорий қилишган.
Айрим бидъат аҳллари Ҳусайн розияллоҳу анҳунинг қатл этилишлари Ашуро кунида бўлгани учун шу кунни мотам, маҳзунлик, аза тутиб йиғлаш, киймларни йиртиш, юзга шапитилаб уриш ва ўзини-ўзи занжирлар билан уриш куни қилиб олганлари шулар жумласидандир. Ҳолбуки, бу амаллар Аллоҳнинг динидан эмас, балки жоҳилият амалларидандир.
Ҳадисда: «(Аза тутиб) юзларига урган, киймларини йиртган ва жоҳилият сарқитларига чақирган киши биздан эмас», дейилган.¹
Ҳолбуки, ҳақиқий мўмин мусибат пайтида сабр қилади, Аллоҳдан савоб умид қилади ва Аллоҳ таолонинг қазои-қадарига рози бўлади.
_____________________
[1] Бухорий (1294) ва Муслим (103) ривояти.
______________________________________________
Бу кун борасида шайтон кўп одамларнинг ақлларини чалғитиб, уларни мўминларнинг йўлларидан узоқлаштирди.
Улардан баъзилари бу кунни мотам ва азага айлантириб олишган бўлса, баъзилари тантана ва қўшиқ кунига айлантириб олишди. Яна баъзилари бу кунни байрам қилиб, хослаб ширинлик ва таомлар пиширадилар.
Ҳолбуки, улар бу кунни улуғлаш борасида яҳуд ва насороларга монанддирлар. Бу нарсаларнинг ҳаммаси динда янги пайдо қилинган бидъатлардандир.
Нет комментариев