Жуда қизиқ воқеа. Сиёсий вазиятни кардинал ўзгартирувчи “идеал ҳодиса”. Бир томондан, Трампга ҳужум бўлди, ўқ қулоғига теккан, унинг қони тўкилган. Иккинчи томондан эса, ҳеч қандай реал зарар етказмаган. Ўзи шундоқ ҳам Байденнинг сиёсий вазияти яхши эмас эди. Бу воқеадан сўнг Трампга нисбатан ачиниш, у томон оғишиш фоизи анча ошади.
Ишонаман, бу ишни на Трампни ўзи, на Байден тарафдорлари уюштирмаган. Бу каби қалтис ўйинларда, агар кимдир буюртма берган бўлса ҳам, унга олиб борувчи изларни йўқотиш жуда кучли ўйланади. Қолаверса, энг қизиғи – снайпер Трампни кичик қулоғининг учига маҳорат билан теккан, лекин катта бошига тегмаган.
Шунингдек, бундай ишни режалаган ҳар қандай ақли расо одам тирик қолмаслигини жуда яхши билади. Худди шундай бўлди ҳам – 20 ёшли, кўринишидан осиёлик бўлган, асли республикачи партияси аъзоси бўлган снайпер бола тезда отиб ўлдирилган. Тириклай қўлга олинмаган. У “Трампни ёмон кўрганлиги” маълум қилинган.
Агар бу иш тасодиф ва якка шахснинг режаси бўлса – Трамп ва республикачилар учун – жуда зўр совға. Агар бошқа вариантлар бўлса, бу ҳам республикачилар ғалабаси учун чуқур режаланган проект. Катта ҳокимиятлар учун кураш ҳам жуда катта, қалтис ва фитналарга бой бўлади.
Камолиддин Раббимов.
Присоединяйтесь к ОК, чтобы подписаться на группу и комментировать публикации.
Нет комментариев