Эслама ўтмишнинг дилафгор таъмин,
Келмасдан емагин келажак ғамин,
Бугуннинг ғанимат билгин ҳар дамин,
Ҳаётдан баҳра ол, бугун ва ҳозир!
Қирқ ёшдан қайтади ёшликнинг шашти,
Олтмишдан бошланар қарилик дашти,
Лекин ҳар даврнинг бордир ўз гашти,
Ҳаётдан баҳра ол, бугун ва ҳозир!
Эртага бугунни - топиб билмайсан,
Нималар бўлишин айтиб билмайсан,
Ўтмишга ҳам энди қайтиб билмайсан,
Ҳаётдан баҳра ол, бугун ва ҳозир!
Дард келса куюнма, сабр қил гўзал,
Бахтиёр кунингдан қолдиргин ғазал,
Унутма, ҳаммаси - Тақдири азал,
Ҳаётдан баҳра ол, бугун ва ҳозир!
Доимо кучлилар билан куч синаш,
Номарди билан тек, мардона кураш,
Қўлингдан келганча яхшилик улаш,
Ҳаётдан баҳра ол, бугун ва ҳозир!
Синовда синалар сабр ва бардош,
Муҳими - Қалбдаги Муҳаббат, Ишонч,
Ҳозирда бўлсангда қанча ҳамки ёш,
Ҳаётдан баҳра ол, бугун ва ҳозир!
Ёлғиз бир Аллоҳдан бўлиб умидвор,
Имкон бил, ҳар битта кунни Ихтиёр,
Ҳамиша навқирон ошиқ ижодкор,
Ҳаётдан баҳра ол, бугун ва ҳозир!
Ҳаётдан баҳра ол, бугун ва ҳозир!
🌹🌹🌹🌹🌹🌹🌹🌹🌹🌹🌹🌹
Присоединяйтесь к ОК, чтобы подписаться на группу и комментировать публикации.
Нет комментариев