Күңелем халәте,Настроене моей души,Гафира Бадыкова

ТОМАННАРНЫН ТРАЛУЫН КОТТЕМ, АДАШЫРМЫН ДИЕП ЮЛЫМДА. ЯШЛЕК ЯЗЫН БЭЛКИ ТАБАР ИДЕМ, КУРЫКМАЙЧА ЧЫКСАМ ЮЛЫМА. КОЯШ ЧЫГА ТОМАН ТАРАЛА, МИН БАРАСЫ ЮЛЛАР АЧЫКМЫ? ТАУНЫН БАШЛАРЫНА МЕНСЭМ. БАЛА ЧАГЫМ КАРШЫ ЧЫГАРМЫ? БУГЕН ТАГЫН ТОМАН ТОШКЭН МЕНЭ. ХИСЛЭРГЭ БИРЕЛГЭНМЕН, САГНУЫМНЫ ,САГЫШЫМНЫ ДЭФТЭРЕМЭ ТЕЗЭМЕН. 11.03.2025.БДЫКОВА ГЭФИРЭ.

Очып барам самолетта , Әй күрсәгез ,җай гына . Әйтерсеңлә ак мамыкка , Басып барам сак гына. Җир өстенә күзләр салалсаң, Зәңгәр чилтәр ябылгандай . Күренеп тора аерым-ачык , Шәһәр ,елга ,авыллар. Урманнары тигез ,яшел Юлларда бик төз генә. Зур елгадагы кораблар , Йөзәләр җайлап кына. Шаклар каттым әле буген , Җиһан матурлыгына . Исән -имин йөрегез димен , Юлчыларның барсына . 18.07.2022.Бадыкова Гәфирә.

Минемдә бит тормышымның, Төрле чаклары булды. Бәхеттән шашып йөргәндә, Кайгысы килеп керде. Кайгыларны ерып чыгып , Тигезлектән узганда Язмыш таулар куйды өеп, Бердә уйламаганда . Тау-ташларын сүтә-сүтә , Күчердем аларын да. Салкын елгаларга төштем , Яндым ялкыннарында. Бирешмәдем язмыш үзе , Өйрәтте чыныгырга . Тормыш юлларын үткәндә , Кеше булып калырга. 19.01.2021. Бадыкова Гәфирә.

Гармуным . Үрсәләнеп ,үрсәләнеп җылый Синең гармун минем кулымда. Синең кулда сөю җырын көйли , Миңа күчсә яше коела. Бер гармунда ике төрле язмыш , Синең кулда шашып сөенә. Мин алуга сагыш көен түгеп , Җылый ,җылый хәттә шешенә Каешларын ныграк кысып куям , Дәртле көйгә күчәм бүген дип . Озын көйләр суза кулларымда , Йөрәк кылкайларын өздереп. Бию көен никтер оталмадым , Бармакларың синең кузәтеп. Син киткәннән бирле шыңшый  Гармун ,кайтуыңны көтә зарыгып. 17.12.2021.Бадыкова Гәфирә Ә.

60яштә онык белән , Тау шуабыз икебез. Карга чумып ауный ,ауный  Рәхәтләнеп көләбез. Трамплинда ясап куйдык , Курыкмайча очабыз. Без ясаган шугалакта  Әйдә , сездә уйнагыз. Баганадан төшкән утта , Кар бөртекләре бии. Әйтерсеңлә герляндадан , Күкләргә баскыч төзи. Төн җиткәндә өйгә кердек , Кул-аяклар чыланган. Бит очлары уттай яна, Ярый учак сүнмәгән. Ә йөрәгем доп-доп тибә , Гүя, яшлектә кунак булган. Иртәгәгә чаңгы көтә , Кырга юлым салынган . 24.01.2021. Бадыкова Гәфирә Ә.

Уз кыйбласын белми яши бала , Зур калада ,биек бинада. Догаларын укый кунак ана , Гафу кылчы диеп ,ярлыка. Күздә йоммай чыкты ана Таңда ,чамаламак булып кыйбласын. КУзләрендә чагыла хәттә, Сагынганы туган капкасын. Тәрәзәгә килеп бик сак кына , Күз йөгертте тирә ягына. Тик күрмәде мәчет манарасын , Ишелмәде азан моңы да. 25.04.2020.Бадыкова Гәфирә Ә.

Парлыларга карап сокланабыз, Тик ялгызлар кала бер читтә. Ялгызларның ачы күз яшләрен , Тик давыллы ,салкын җил сөртә. Мендәренә тамган күз яше , Кипми әле кайчак кичкә дә. Ялгыз тарткан дилбегәләр эзе , Уеп керә җилкә ,кулны да. 28.11.2019.Бадыкова Гәфирә А.

Син әледә шул җырыңны, Җырлайсыңмы әй иркәм. Моңлы , сагышлы күзеңә , Хәзер кем карый икән. Мин үземдә бик еш кына , Синең җырларны көйлим. Яә айга ,яә йолдызга карап , Синең күзләрне эзлим. Синдә карыйсың шикелле , Ай тулган мәлдә күккә. Белгән булсак айрылуны , Җибәрмәс идем читкә. Берәр моңлы  җырыңны , Бер җырлатасы иде. Тыңлар идем таңга кадәр , Ай , йолдызлар көнләшер иде. Ашгып үткән бу гөмерне , Тышаулап булса икән . Яшлекне кирегә борып , Ялгышларны ,төзәтеп булса икән. 13.06.2020. Бадыкова Гәфирә.

Шомырт чәчәгенең исләреннән, Башлар әйләнеп китте. Матур яшлегемне уйлап , Йөрәк җилкенеп китте. Сириннәрдә хуш ис бөркеп , Тиздән атарлар инде. Алмагач чәчәген коеп , Бакчаны каплар инде. Язның шушы гүзәллеген , Яшеллеген яратам. Шуңа микән дулкынланып, Ашыгып язларны көтәм. 13.05.2020. Бадыкова Гәфирә.