Предыдущая публикация
12-хикмат
Хуш ғойибдин етишди яхши сӯзим табаррук,
Ошиқ бӯлсанг, эй толиб, риёзатда белинг бук.
Тун кечалар ухламай ёш ӯрнига қонинг тӯк,
Арслон бобом сӯзларин эшитингиз, табаррук.
Арслон бобом айтдилар: Толибларда йӯқ ихлос,
Пиринг ҳозир бӯлганда не керак Хизр Илёс,
Пирга қадам қӯйганда ёд этма ғафсул ғиёс,
Арслон бобом сӯзларин эшитингиз, табаррук.
«Толиб мен» деб айтурлар, валлоҳ, биллоҳ, ноинсоф:
Номаҳрамга боқарлар кӯзларида йӯқ инсоф.
Киши молин еюрлар, чин диллари эмас соф,
Арслон бобом сӯларин эшитингиз, табаррук.
Пир хизматин қилдик деб: «Толиб ман» деб юрарлар,
Ебон қаром-ҳаришни кулбориға урарлар,
Кӯзларида нами йӯқ, ҳалқа ичра кирарлар,
Арслон бобом еӯзларин эшитингиз, табаррук.
Зокирман деб зор урар, чиқмас кӯзидин ёши,
Дилларида ғами йӯқ, ногоҳ оғриғай боши.
Макру ҳийла қилурлар маълум худоға иши,
Арслон бобом сӯзларин эшитинғиз, табаррук.
Толибман деб айтурлар кӯнглида йӯқ зарра шӯр,
Чин толибни сӯрсангиз, ичи-тоши гавҳар, дур.
Ҳаққа аён сирлари, айтишлари сафо нур,
Арслон бобом сӯзларин эшитингиз, табаррук.
Суратлари софу нақш қиёматдин қӯрқмаслар,
Фисқу-фужур ҳосили гуноҳлардин ҳуркмаслар.
Риё тасбиҳ илгинда, йиғлаб ёшин тӯкмаслар.
Арслон бобом сӯзларин эшитингиз, табаррук.
Риё тасбиҳ илгинда зуннор яхши билсангиз,
Ҳақ ризоси бутурур ишқ савдосин қилсангиз.
Ишқин олиб маҳшарда расво бӯлиб турсангиз,
Арслон бобом сӯзларин эшитингиз, табаррук.
Ишққа қадам қӯйғонлар Ҳақ дийдорин кӯрарлар,
Мусо сифат маҳшарда Ҳақдин савол сӯрарлар.
Сармаст бӯлиб, васфида ҳу зикрини кӯрарлар,
Арслон бобом сӯзларии эшитингиз, табаррук.
Иншоллоҳ, эшитганни ҳақдин тилаб олурмен,
Шайтон йӯлидин олиб, ҳақ йӯлига солурмен,
Мадад қилса Мустафо гуноҳларин тилармен,
Арслон бобом сӯзларин эшитингиз, табаррук.
Арслон бобом сӯрсангиз пайғамбарга эътибор,
Саҳобалар улуғи хос бандаи кирдигор,
Ётган ери ноҳамвор, бир кози хор-зор;
Арслон бобом сӯзларии эшитиигиз, табаррук.
Чоршанба кун эшитиб ногоҳ ҳазрат бордилар,
Арслонбобни уйига ул кун меҳмон бӯлдилар.
Ётган ерни наҳамвор кӯриб ҳайрон қолдилар,
Арслон бобом сӯзларин эшитингиз, табаррук.
Ул Муҳаммад Мустафо туриб дуо қилдилар.
Малойиклар омпн деб илгин очиб турдилар,
Шундоқ уммат бердинг деб Ҳақ шукрини қилдилар,
Арслон бобом сӯзларип эшитннгнз, табаррук
Саҳоболар айдилар Арслопбобдир отингиз,
Арабларни улуғи покизадир зотиигиз.
Тарбияти тан фарз дед, парча ёниб ётдингиз.
Арслон бобом сӯзларии эшитингиз, табаррук.
Охир замон умматлар нақш қилур уйларин,
Нафс ҳавоға қувнаб бузор ҳар дам қӯйларин,
Шону шавкатлар билан барпо қилур бӯйларинг,
Арслон бобом сӯзларин эшитдингиз, табаррук.
Охир замон умматлар дунё фоний билмаслар,
Кетганларни кӯрибон андин ибрат олмаслар,
Эранларни қилгонин кӯриб кӯзга илмаслар,
Арслон бобом сӯзларин эшитингиз, табаррук.
Яхши йӯлдан озиб, ёмон йӯлга овишқан,
Шайтон лаин пирим деб домонига ёпишқан,
Азозилни пирим деб эрта оқшом кӯришган,
Арслон бобом сӯзларин эшитингиз, табаррук.
Имон исломин олиб, ӯлмайман деб кулишган,
"Ӯлмайман деб дунёда Мавлом билан уришган,
Ғофиллик бирла ҳар дам умрини барбод берган.,
Арслон бобом сӯзларин эшитингиз, табаррук.
Вақти етса Азроил омонатни бер дегай,
Шайтон лаин пирим деб жон берарда кӯрингай,
Имон исломни олиб ҳали дилин сӯрмагай,
Арслон бобом сӯзларин эшитингиз, табаррук.
Тавба қилса тавбасин Мавлом қабул қилмагай,
Оллоҳ деса хожаси қӯлин тутиб олмағай.
Журму исён гириҳин пирга бориб ечмагай,
Арслон бобом сӯзларин эшитингиз, табарруқ.
Етти ёшқа Арслонбоб Туркистонга келдилар,
Бошим қӯйиб йиғладим, ҳолим кӯриб кулдилар,
Минг бир зикрин ӯргатиб, меҳрибонлиғ қилдилар,
Арслон бобом сӯзларин эшитингиз, табаррук.
Калом қилдим хурмодин манга ваҳшат қилдилар,
Эй, беадаб гӯдак, деб асо олиб сурдилар.
Ваҳшатидан қӯрқмадим, манга боқиб турдилар,
Арслон бобо сӯзларин эшитингиз, табаррук.
Оғзинг очғил, эй гӯдак, омонатинг берайин,
Мазасини ютмадим, оч оғзинға солайин,
Ҳақ Расулни буйриғин уммат бӯлсам қилайин,
Арслон бобом сӯзларин эшитингиз, табаррук.
Оғзим очдим, солдилар хурмо иси қилди маст,
Икки оламдин кечиб валлоҳ бӯлдим хокпараст,
Хожа, мулло йиғилди, олиб юрди дастба-даст,
Арслон бобом сӯзларин эшитингиз, табаррук.
Бобом айди, эй болам, таклиф қилмадинг манга,
Беш юз йилдур комимда сақлар эрдйм мен санга.
Мазасини сиз олиб талхин бердингиз манга,
Арслон бобом сӯзларин эшитингиз, табаррук.
Бобом айди, эй болам, қошимда тур, ӯлайин,
Жанозамни ӯқиб кӯм, жон тасаддуқ қилайин,
Мадад қилса Мустафо, илийюнға кирайин,
Арслон бобом сӯзларин эшитингиз, табаррук.
Йиғлаб айдим, эй бобо, ёш гӯдакмен, билмасмен,
Гӯрингизни ковлаб мен, кӯтариб сола олмасмен.
Ҳақ Мустафо суннатин гӯдакмен, билолмасмен,
Арслон бобом еӯзларин эшитингиз, табаррук.
Бобом айди, эй болам, малойиклар йиғилғай,
Жобраил имом бӯлиб ӯзгалар тобе бӯлғай,
Мекойил ва Исрофил кӯтариб гӯрга қӯйғай,
Арслон бобом сӯзларин эшитингиз, табаррук.
Қул Хожа Аҳмад, сӯзингни нодонларға айтмағил,
Сӯзни айтиб нодонға пучак пулға сотмағил,
Очдин ӯлсанг номарддин ҳаргиз миннат тортмағил,
Арслон бобом сӯзларин эшитингиз, табаррук.
Следующая публикация
Нет комментариев