Սիրելի հայրենակիցներ՝ ձեզ ներկայացնում մեր գյուղի նշանավոր մարդկանց կենսագրականներն, խնդրում եմ սխալների, թերությունների, բացթողումների, ավելացումների մասին ինձ տեղյակ պահեք, որ հետագայում խոսակցություններ չլինի:
Մեծ սիրով կընդունեմ Ձեր առաջարկություներն ու դիտողություններն:
Թամամյան Աղունիկ Ժորժիկի
Նկարչուհի, քանդակագործ, գրաֆիկ:
Թաթարստանի Հանրապետության նկարիչների միության անդամ
Աղունիկ Ժորժիկի Թամամյանը ծնվել է 1952 թվականի փետրվարի 22 - ին (անձնագրում 28) Բեժանոյում: 1959 - 1969 թվականներին սովորել է գյուղի միջնակարգ դպրոցում:
1971 - 1973 սովորել է Երևանի գեղարվեստի ուսումնարանում, 1977 -1981 թթ. Երևանի Խ. Աբովյանի անվ. հայկական մանկավարժական համալսարանի նկարչա - գծագրական ֆակուլտետի նկարչության և գծագրության բաժնում:
Ուսումնարանն ավարտելուց 1973 -76 թթ. դասավանդել է Քարցեպի միջնակարգ դպրոցում, իսկ բուհ-ն ավարտելուց հետո՝ 1981 - 1984 թթ. աշխատել է Աշտարակի համար 2 դպրոցում՝ որպես նկարչության և գծագրության ուսուցչուհի:
1986 թվականին տեղափոխվել է մշտական բնակության ՌԴ Թաթարական Հանրապետության Լենինոգորսկ քաղաք:
1986-87 թթ. աշխատել է մշակույթի տանը, որպես նկարիչ - ձևավորող:
1987 թվականից մինչև 2016 աշխատել է Լենինոգորսկի մանկական արվեստի դպրոցում, որպես նկարչության և գեղանկարչության ուսուցչուհի:
2013 թվականին դարձել ՌԴ Թաթարական Հանրապետության նկարիչների միության անդամ:
Մասնակցել է բազմաթիվ տարածաշրջանային, հանրապետական, Միջռուսական և միջազգային ցուցահանդեսների: 1982 թվականին Երևանում ունեցել է անհատական ցուցահանդես:
2012 Լենինոգորսկում տեղադրվել է նրա ՙՉեռնոբիլի աղետին՚ և ՙԱֆղանստանի պատերազմին՚ նվիրված հուշարձանները:
Նկարչուհու անձնական գործերից գտնվում են Թաթարստանի պետական թանգարանում և պատկերասրահում, ինչպես նաև մասնավոր հավաքածուներում:
Комментарии 5