МУКАГАЛИ МАКАТАЕВ (1931 – 1976)
ӨМҮР ЖАЙЫН СУРАЙ БЕРБЕ СЕН МЕНДЕН
Өмүр жайын сурай бербе сен менден,
Анын жайын толук аңдап билбегем.
Өмүр жайын билгиң келсе, бир чал бар,
Кан майдандан жалгыз уулу келбеген.
♦ ♦ ♦ ♦ ♦
Жесир келин бир наристе көрбөгөн,
Жетим чалды бала ордуна термеген.
Өмүр жайын мен түшүнүп көрбөгөм,
Өмүр жайын сурай бербе сен менден.
♦ ♦ ♦ ♦ ♦
Өмүр жайын билгин келсе, кемпир бар,
Өмүрүнө кеги калган жанбаган,
Жалган жалаа жанын эзип турганда,
Акыйкатың арачалап калбаган.
♦ ♦ ♦ ♦ ♦
Андан сура, андан сура өмүрдү,
Эмне көрдү, эмне сезип, не билди.
Неге акылдуу акмак жандан жеңилди,
Бири ыйласа, бири неге көңүлдүү?
Андан сура…
Андан сура өмүрдү.
Казакчадан оодарган: Кубантай Эрназаров.
Башка тайпага ташып кеткиниздер келсе, Кубантай Эрназаровдон уруксат алыныздар!!!!
Присоединяйтесь к ОК, чтобы подписаться на группу и комментировать публикации.
Комментарии 1