Предыдущая публикация
Айтолмаган сўзларим бисёр,
Келинг бугун айтайин бир бор,
Бизни дея ҳар нега тайёр,
Она, сизни яхши кўраман.
Сиз бўлсангиз куламан шодон,
Ҳаёт завққа тўлади ҳар он,
Бахтимизга соғ бўлинг омон,
Она, сизни яхши кўрман.
Сиз бор, қаддим юраман эгмай,
Бугун дардим нелигин сезмай,
Ҳожи она бўлинг ғам чекмай,
Она, сизни яхши кўраман.
Юрагимга бўласиз малҳам,
Қучоқласам, оламанда дам,
Кўрманг сира икки дунё ғам,
Она, сизни яхши кўрман.
«Болам» дея куйинганимсиз,
Ёнимизда суйинганимсиз.
Керак эмас дунёлар сизсиз,
Она, сизни яхши кўраман.
Қоламанда меҳрингиз қумсаб,
Байтлар битай мен сизга атаб,
Паноҳингда асрагин, ё Раб,
Она, сизни яхши кўраман.
Присоединяйтесь к ОК, чтобы подписаться на группу и комментировать публикации.
Нет комментариев