Цягам двух апошніх год у межах СЭТ мы развівалі праект «Свае танцы» па папулярызацыі народных танцаў у рэгіянальных гарадах Беларусі. За гэты час былі арганізаваныя новыя танцавальныя супольнасці ў Маладзечна, Бабруйску, Віцебску, Барысаве, Баранавічах. Праведзеныя шматлікія сустрэчы і майстар-класы вопытных этна-харэографаў, адбыліся паказальныя вечарыны яшчэ ў дзясятку беларускіх гарадоў і мястэчак.
Сёння мы прэзентуем наступны крок – сайт-афішу «Свае танцы». У пэўны момант мы зразумелі, што народных танцавальных імпрэзаў па ўсёй Беларусі ўжо досыць багата. Часам за тыдзень праходзіць да 10 вечарын, майстар-класаў, заняткаў. І тады з'явілася ідэя стварыць платформу для зручнага размяшчэння ўсёй гэтай інфармацыі ў адным месцы і папулярызацыі гэтых падзеяў праз увесь пул сацыяльных сетак (у тым ліку і тут).
Вы здзівіцеся – колькі людзей у Беларусі зараз танцуюць лявоніху, падыспан і кракавяк. А хочуць далучыцца яшчэ больш. Проста пакуль ня ведаюць пра гэта : )
Мы бачым народныя танцы, як сучасную, дынамічную, урбанізаваную зʼяву, арганічную як для вясковых падворкаў, так і для гарадскіх плошчаў. Для нас народныя танцы – гэта не толькі этнаграфічная навука і мастацкая харэаграфія, але і месца сустрэчы, размова без словаў і падарожжа ў часе і прасторы.
Таму запрашаем. Падпісвайцеся на суполку, выбірайце свой горад і далучайцеся.
Танцы – гэта радасць, а Свае яшчэ крыху і абавязак ) http://svajetancy.ethno.by/
http://piatrovica.by/%d0%bf%d1%80%d0%b0%d0%b3%d1%80%d0%b0%d0%bc%d0%b0-%d1%84%d1%8d%d1%81%d1%82%d0%b0/?preview=true
Присоединяйтесь к ОК, чтобы подписаться на группу и комментировать публикации.
Комментарии 7