28 ივლისს ორი უდიდესი წმინდანის - კვირიკესა და ივლიტას ხსენების დღე.
წმინდა კვირიკე და ივლიტა ითვლება ბავშვთა და ოჯახის მფარველ წმინდანებათ. ასევე ოჯახური ბედნიერებისა და სნეულ ყრმათა მსწრაფლ განმკურნებლებათ
დედის თვალწინ აწამეს სამი წლის შვილი და ამ დროს ნეტარი ივლიტა უფალს მადლობას წირავდა ასეთი წყალობისათვის და ღმერთს ევედრებოდა, რომ გამძლეობა მიეცა ჭაბუკისათვის.
წმინდა ივლიტა ახალგაზრდობაში დაქვრივდა და დარჩა სამი წლის პატარა ბიჭი კვირიკე. ისინი ცხოვრობდნენ მესამე საუკუნეში, ქრისტიანთა დევნის ჟამს.
ქრისტეს აღმსარებლობის გამო შეიპყრეს დედაშვილი და სარწმუნოების უარყოფა მოსთხოვეს თუმცა დედის პასუხი იყო: ,,მე ქრისტიანი ვარ და ჩემი
ამშობლო ზეციური იერუსალიმია!“ კადნიერი პასუხით განრისხებული მსაჯულის ბრძანებით ივლიტას შვილი ხელიდან გამოგლიჯეს და ხარის ძარღვებით დაუნდობლად დაუწყეს ცემა. დედის წამების შემყურე კვირიკე ტიროდა, ხელებს ასავსავებდა, ფეხებს ურტყამდა მტარვალებს და მათგან თავის განთავისუფლებას ცდილობდა. ბავშვის სილამაზით მოხიბლულმა ალექსანდრემ თავისთან მიაყვანინა იგი, კალთაში ჩაისვა და ფერება დაუწყო, მაგრამ ყრმა არ ცხრებოდა: „მეც ქრისტიანი ვარ!“ ტიროდა ბავშვი და თან ტირილით მიიწევდა დედისკენ. საშინლად გაავებულმა მსაჯულმა ბავშვი მიწაზე დაანარცხა და წიხლი ჰკრა. ჩვილი კიბის საფეხურების კიდეებზე თავის ხეთქებით ჩაგორდა და სული უფალს შეჰვედრა.
როცა ივლიტამ შვილის ნეტარი აღსასრული იხილა, მადლობა შესწირა უფალს, მმართველმა კი, მის მოუდრეკლობაში კიდევ ერთხელ დარწმუნებულმა, წამების გაძლიერება ბრძანა: მარტვილს რკინის წვერბასრი იარაღებით დაუწყეს ჯიჯგნა, ჭრილობებში კი გამლღვალ ფისს ასხამდნენ.
- „შეიბრალე თავი, ივლიტა, - ეუბნებოდა ალექსანდრე ქრისტეს ტარიგს, - დაინდე შენი ყმაწვილქალობა და შესწირე მსხვერპლი ღვთაებებს!“
თუმცა წმინდანი კიდევ უფრო გაძლიერდა რწმენაში, მადლობა შეწირა უფალს, რომ თავისი შვილი ასეთი მოწამეობის ღირსი გახადა და მალევე მასაც თავის მოჰკვეთეს.
შეგეწიოთ და გაგაძლიეროთ მათმა მადლმა და ძალამ❤️
Присоединяйтесь к ОК, чтобы подписаться на группу и комментировать публикации.
Нет комментариев