Сен топтаган гуллар тиклайдилар қад.
Яна атиргуллар таратганда бўй,
Кечир деб ёнимга келмагин фақат!
Кун келиб тинганда кўзимнинг ёши,
Қалб сени унутса, етиб бардоши.
Яна нур таратса ишқнинг қуёши,
Кечир деб ёнимга келмагин фақат!
Қанча қийналганим қилиб тасаввур,
Қанча оёқ ости бўлганин ғурур.
Мени унутгину сен ҳам бир умр,
Кечир деб ёнимга келмагин фақат!
Ишон, сени севмоқ эди шум тақдир,
Билдинг, нималарга кўнмадим ахир,
Қайта сени кўрмоқ қайта ўлмоқдир!
Кечир деб ёнимга келмагин фақат!
Хар лаҳза бахтингни этгин намойиш,
Ҳар ишинг, ҳар амал топсин кушойиш.
Ногоҳ мени кўрсанг бўлиб фаромуш,
Кечир деб ёнимга келмагин фақат!
Биздан аъло кўрган бахтинг бўлсин бут,
Сенга жон фидони бутунлай унут,
Ёки бу дунёдан ўтишимни кут,
Кечир деб ёнимга келмагин фақат!
https://t.me/Hamster_kombat_bot/start?startapp=kentId7184465430
Присоединяйтесь к ОК, чтобы подписаться на группу и комментировать публикации.
Нет комментариев