Предыдущая публикация
ОЛИСЛАРДА ВАТАН
СОҒИНЧИ
Уйқу йўқми дўстим бу оқшом,
Нега яна хомушсан бу пайт.
Ёки яна олис юртларда,
Ўз юртингни соғиндингми айт?
Ўзга юртда юрагинг тиғлаб,
Қўмсадингми қишлоқ ҳавосин?
Бугун яна кўзларинг намлаб,
Соғиндингми Она овозин?
Балки, маъюс юрагинг юлиб,
Ўксидими ё ярим кўнглинг?
Ака бўлиб меҳрингни бериб,
Эркалатгинг келдими Синглинг?
Дўстим, нега ғамгинсан бугун,
Нега яна бетартиб хонанг?
Узоқ юртда бўлганинг учун,
Тушларингга кирдими Онанг?
Оҳ урасан, осмонга қараб,
Оҳларингда соғинч иси бор.
Яқинларинг дийдорин истаб,
Яна тунинг ўтдими бедор?
Юрагингга тўлганда алам,
Топилмайди кўнгил овунчи.
Ёмон экан дустим жуда ҳам,
Олисларда ВАТАН СОҒИНЧИ...!
Следующая публикация
Нет комментариев