Մեջբերումներ գրքերից

Ո՞րն է ամենահազվադեպ ունակությունը: – Տալը: Ո՞րն է ամենալավ ունակությունը: – Ներելը: Ո՞րն է ամենադժվար ունակությունը: – Լռելը: Ո՞րն է ամենակարևոր ունակությունը: – Հարցնելը: Ո՞րն է ամենաանհրաժեշտ ունակությունը: – Լսելը: Ո՞րն է ամենատհաճ սովորությունը: – Խառնակչությունը: Ո՞րն է ամենավնասակար սովորությունը: – Շատախոսությունը: Ո՞վ է ամենաուժեղ մարդը: - Նա, ով կարող է հասնել ճշմարտությանը: Ո՞վ է ամենաթույլ մարդը: - Նա, ով իրեն համարում է ամենաուժեղը: Ո՞վ է ամենախելամիտ մարդը: - Նա, ով հետևում է իր սրտին: Ո՞ր կապվածությունն է ամենավտանգավորը: - Կապվածությունը սեփական մարմնին: Ո՞վ է ամենաաղքատ մարդը: - Նա, ով ամենից շատ դրամ է սիրում: Ո՞վ է ամենից մոտ Աստծուն: - Գթասիրտ մարդը: Ինչպե՞ս հակազդել փոր

Պետք է միշտ կոկիկ լինել։ Կգտնվեն մարդիկ, ովքեր քեզ հետ խոսելիս աչքերիդ փոխարեն կնայեն կոշիկներիդ։ Պիտի միշտ մաքուր լինեն դրանք, որ չամաչես։ Կլինեն մարդիկ, ովքեր ուշադրությամբ կզննեն ձեռքերդ, կհետևեն դրանց շարժումներին, որ լավ ճանաչեն քեզ։ Ձեռքերդ պիտի միշտ խնամված լինեն, որ անհարմար չզգաս։ Մազերդ սիրողները պիտի հիանան՝ դրանք միշտ հարդարված տեսնելով։ Մարդիկ ուշադիր են այնքան տարբեր բաների հանդեպ, մարդիկ այնքան տարբեր են նայում։ Ու գուցե քիչ, բայց կլինեն մարդիկ, ովքեր ձեռքերից ու աչքերից առավել սրտիդ կնայեն։ Պիտի սիրտդ միշտ մաքուր պահես, որ չամաչես, երբ մարդիկ նայեն նրան։ Լիլի Մկրտչյան

Մարդկանց պիտի սիրել կենդանի ժամանակ, նրանց կենդանի ժամանակ պիտի զգույշ լինել: Երբեք չես կարող ասել` այն մարդուն, որին այսօր տեսար, կհանդիպե՞ս նորից: Զգույշ պիտի լինել, թե չէ` ու՞մ են պետք ծաղիկներն ու արցունքները: Վարդգես Պետրոսյան <<Ապրած և չապրած տարիներ>>

Երկու սիրահարներ կային:Երկուսն էլ սևահեր: Արտաքնապես գեղեցիկ էին,ներքուստ՝ առավել: Մարմնով նրանք երկուսն էին, բայց հոգով էին կենտ:Մեկը մի քիչ վեհ էր, մյուսն՝ավելի խենթ: Մեկը մի քիչ ստվեր էր,մյուսն՝ավելի լույս: Մեկը մյուսին տեր էր,մեկը մյուսին՝ հույս... Ադի Ալյեն

Աշխարհին... մանկա՜ն մաքրություն է պետք, Եվ հենց ա՛յն մանկան, Որին ամեն օր աշխարհ են բերում Նաև աշխարհի... անմաքուրները, Մինչիսկ նրա՛նք` անմաքուրնե՜րը, Քանզի... աշխարհին մաքրությո՜ւն է պետք.. Պարույր Սևակ