Икымше гана Муканай ял нерген архивный документыште 1839 ийыште возымо: «Выселок Средняя Илле Вершина всего 4 двора, проживают 11 душ мужского пола». Тукым вожым ончалына гын тиде Муканай, Микале, Васлий , Максим изак -шольо лийыныт.
1886 ийыште 18 сурт лийын,49 пöрьеҥ да 50 ÿдырамаш иленыт.
1902 ийыште 17 суртышто 125 еҥ илен.
1917 ийыште ялысе старосталан Семенов Алексей пашам ыштен, а 1919 ийыште сельсоветыште Трофимов Степан председательлан, Осипов Аброска секретарьлан пашам ыштен. Тудо жапыште кажне ялыште посна сельсовет лийын, а 1925 ийыште Унчо кундемыште райсовет лийын , тушко Муканай гыч Иванов Емелья ден Семенов Никодим пуреныт.
1920 ийыште 32 суртышто 159 еҥ илен.
1934 ийыште колхозым почыт ,колхозлан «Муканай» лумым пуат, председательлан Григорьев Мироным шогалтат, вараракшым председательлан Коротков Илья, Григорьев Филипп ыштеныт.
1936 ийыште икымше трактор толын.
1939 ийыште Финский война тÿҥалеш, Мукканай гыч Григорьев Мирон, Афанасьев Василий. Осипов Оброска лийыныт.
1941ийыште Кугу Отечественный сар тÿҥалеш.
Фронтыш 49 еҥ каен, тышечын 20 еҥже сарыш вуйжым пыштен, тиде Алексеев Митрофан А., Вассаев Токпай В., Григорьев Ефрем Г., Дмитриев Архип Д., Дмитриев Андрей Д., Дмитриев Григорий Д., Иванов Аркадий Емельянович, Иванов Василий Павлович, Иванов Максим Тих., Константинов Григорий К., Макаров Филимон М., Миронов Гаврил М., Миронов Всилий М., Миронов Пантелей М., Николаев Александр Н., Николаев Никонор Н., Осипов Петр Абросимович, Павлов Василий П., Павлов Илларион П., Семенов Александр С., Семенов Григорий С., Тарасов Ефрем Т., тимофеев Марка Т., Федоров Арсентий Ф.,
Ямтеев Арслан Я.
Сарыште кредалмаште Афанасьев Василий кок орден
дене наградитлалтын-«Красный Звезда» да «Орден Отечественной войны II степени» Тудо гвардейский каваллериский полкышто служитлен да Берлин марте шуын.
Андреев Георгий Николаевич орден «Красная звезда» дене
наградитлалтын. Тудо пушкын командирже лийын да ик кредалмаште 6
немецкий танкым пытарен. Тугак Егоров Михаил Егорович ден Евсеев Михаил Евсеевич «За отвагу» медаль дене наградитлалтыныт, Егоров Михаил «катюша» ракетный установка дене лÿйкален.
Концлагерьыш Алексеев Петр А., ден Константинов Григорий К., логалыныт.
Афганистан сарыште (1987-89ий) Романов Валентин Емельянович лийын.
1949 ийыште «Муканай» колхозышто 40 хозяйство да 155 еҥ илен, колхозым Афанасьев Василий вуйлатен. 1952 ийыште «Муканай «колхоз «Айблатнур» колхозыш ушнен. Тиде жапыште «Муканай» колхозышто имным, тунам, шорыкым онченыт, оралте-влак коклаште пареҥге подвал, пырче склад. идым, пырче коштымо пöрт лийын.
1950 ийлаште Емельянов Петр, Григорьев Никодим. Андреев Пахом Волгоградский областьыш илаш кусненыт.
1959 ийыште ялыштына эн шуко еҥ илен, чылаже 44 суртышто 209 еҥ илен.
Тиде ийыштак кундемысе колхоз-влакым иктыш ушеныт да «Передовик» лÿмым пуеныт.
1972 ийыште Шиньша сельпо ялыште кевытым почеш.
1990 ийыште портышкем кырме да межым почкымо цехым почыт да 199 ийыште парыш изилан верчын тудо петыралтеш.
Таче ме кугешнена шкенан пагалыме ен-влак дене, тиде:
-Петров Иван Петрович, тале столяр, плотник, охотник лийын, кундемыштына тудын ыштыме узгарышт- шондык, ÿстембал, пÿкен, шкаф, серванде, окна раме да моло тÿрле ÿзгарым ыштен калыклан ужален;
-Лукьянов Арсентий Ефимович, колхозышто бригадирлан, ферма вуйлатышылан пашам ыштен да «Знак почета» орден дене наградитлалтын;
-Орсаев Осип Оразаевич, тракторист. Республикысе сулло механизатор;
-Лесниклан пашам ыштеныт -Евсеев Осип Евсеевич, Николаев Михаил Николаевич, Андреев Семен Георгиевич, Миронов Арнольд Петрович, чодыра мастер Евсеев Николай Осипович;
-Евсеев Михаил Евсеевич, ÿмыржо мучко тракторный
бригадын учетчиклан пашам ыштен, да пелашыж Евсева Федосия Ивановна дене 9 йочам ончен куштеныт;
- Павлов Валериан Арсентьевич дене. тале
коҥга оптышо, плотник, столяр, портышкем кырше, гармонист, ончыч Унчо клубышто вара колхозышто бригадирлан пашам ыштен.
- Огурцова (Федорова) Людмила Егоровна дене, Петровский сельсоветыште председательлан , вара Семисола сельсоветыште специалистлан пашам ыштен.
Кугешнена Павлов Алексей Валерианович дене, тудо ече дене коштмаште спортын мастерже;
-Евсеев Виктор Михайлович дене, штангым нолтымаште спорт мастерыш кандидат;
-Евсеев Александр Иванович дене, телымсе многоборье да армейский многоборьыште спорт мастерыш кандидат;
-Афанасьев Денис Арсентьевич дене, кид дене кучедалмаште спорт мастерыш кандидат.
1989 ийыште I паша Спартакиадыште Москваше Евсеев И.М., Николаева М.М., Федоров В.Е. республикын чапшым араленыт.
Кугешнена офицерна-влак дене:
Афанасьав Денис Арсентьевич-майор. Евсеев Александр Иванович- капитан, Евсеев Виктор Михайлович-старший прапоршик. Андреев Осип Георгиевич- старший прапоршик, Семенов Алексей старший прапорщик, Петрова Елена Николаевна-прапорщик.
Таче кечылан ялыштына чылаже 40 сурт уло, тышечын 36 суртышто 90 наре илат.
Пайрем вашеш тошто памашым рончен у пура дене кугу памашым чоҥымо, уремыште ныл тавым ачалыме да чиялтыме. Чылаже калык вий дене 70 тÿжемаш ачалымаш пашам ыштыме.
29 июлышто 2017 ийыште Муканай ял пайремыште саламлыме: эн кугу илалше-Евсеева Федосья Ивановна, 93 ийаш,
эн кугу еш- Васильева Августа Дмитриевна. 6 йоча.
Пайремыш ял калыкым да унам саламлаш Морко районысо администраций вуйлатышын алмаштыше Александр Александров толын да Морко районысо администрацийын Почетный грамота дене - старостам Макарова Алевтина Николаевнам, Единый Россииын
верысе пöлкан таумутшо дене -Макаров Анатолий Николаевичым, Романова Маргарита Михайловнам палемден.
Унчо админитстрацийын грамота дене-Павлов Валериан Арсентьевичым, Андреев Семен Георгеевичым, Коротков Альберт Петровичым, Миронова Анастасия Алексеевнам, Романов Геннадий Ефимовичым верысе администраций вуйлатыше Иван Евсеев палемден.
Муканай ял пайрем 29 июль 2017 ий
Фотоотчет тыште: https://vk.com/album3277474_245656759
Присоединяйтесь к ОК, чтобы подписаться на группу и комментировать публикации.
Нет комментариев