Наперад у мiнулае

Творчая група праекта ў кампаніі з беларускімі артыстамі штотыднёва накіроўваецца ў беларускую глыбінку, дзе яшчэ захоўваецца спрадвечная песенная спадчына. Носьбіты аўтэнтычнай культуры - бабулі ў вёсках - выконваюць шэраг песень, з якіх выбіраецца адна. На яе ствараецца сучасная аранжыроўка ў творчай манеры выканаўцы з выкарыстаннем арыгінальных галасоў. Адначасова вядзецца расповед пра адметнасці гэтай мясцовасці - пра народную песенную творчасць, абрады, народныя рамёствы, асаблівасці дыялекту і г.д. Напрыканцы праграмы прадстаўляецца новая версія народнай песні ў выкананні беларускіх артыстаў. Вядучыя: Аксана Вечар, Вячаслаў Шарапаў.