Иҗат җимешләрем.

ӘНИЕМӘ ТЕЛӘГЕМ Мин әниемнең баш баласы. Тәү башлап әни иткән. Мин бәхетле иткәнгә, Сиксәнне узып киткән. Мин дә әнием белән Картаям инде бергә. Телим аның сәламәт, Сау яшәвен гомергә. Сания Шәрипова, Башкортостан, Бүздәк районы, Уран авылы. Бу шигыремне укыгыннан соң, әлхәмдүлиллә, безгә авырлык салмыйча, әнием тагы ун ел яшәде.

Сания ШӘРИПОВА. Ялгызлык ул ‒ бәхетсезлек түгел... (1) Мине район үзәге китапханәсе Рәйсә апаның китап туена чакырган иде. Танышлар әллә ни күп булмаса да, барлар. Байтактан очрашмагач, бер-беребезгә сөйләр сүзләр дә җитәрлек җыелган. Бәйрәм күңелле үтте. Керүеңнән алда чыгуыңны уйла дип, белеп әйтәләр. Килүен очраклы машинага утырып, Бүздәккә килдем, кайтыр якка ничек кайтырмын? Бер саплам җеп озынлыгы көзге көн, болытлы булу өстенә, караңгыланырга да чамалап тора. Такси чакырып, шылтыратырга җыенганымны күргәч, озын керфекле зур соры күзләрен миңа төбәп, туп-туры караган Рәзинә: ‒ Сания Кашфулловна, кая ашыгасыз? Бүген миндә куныгыз. Сагындыргансыз, юньләп сөйләшә дә алмадык. Иртәгә төшкә кадәр минем вакытым буш, үзем озатып җибәрермен, ‒ дип, кыстый-кыстый, җайлап култыклап ук алды. Кыстауга киләм инде мин. Өйдә көтеп торыр кешем юк. Җанымның да ялгызлыктан өзгәләнгән чагы. Чакырганнарына рәхмәт, бу чарага килүем дә, бәгырем телгәләнеп, кая барып бәрелергә белми, үз-үземә урын тапмаганлыктан гына. Дөресен генә әйткәндә, мин Рәзинәне юньләп белмим дисәң дә ярый. Анда-санда җыелышларда очрашсак, я эш буенча вак-төяк киңәш сорап, я үзенең эч серен сөйләп китә. Бар аралашуыбыз шуннан ары узганы юк. Ул бик пөхтә һәм матур киенә торган утыз сигез яшьләр чамасындагы ялгыз хатын, кызы Зинә белән икесе генә яшиләр. Кичке ашны ашаганнан соң, күптән түгел сатып алган, алсу җирлеккә, ак ромашка чәчәкләре төшкән гәүдәсенә бик килешле, хакы ябыштырылган кәгазе дә алынмаган күлмәген киеп күрсәтте. Мин йола буенча ялгыз хатыннарннарга әйтелә торган сүзләрне әйттем: ‒ Киемең – чүплек башына, үзең – кияү куенына. Икәүләшеп рәхәтләнеп көлеп алдык. Байтактан көлү онытылган иде инде. Күңелемә ниндидер җиңеллек кереп оялады, кәефем күтәрелеп китте. ...Тормыш юлдашым бакыйлыкка күчеп, ялгыз калганнан бирле, йокым качты. Җит-ят урында, бигрәк тә. Таң беленә башлаганчы, керфек тә какмый, бүлдерүдән куркып, кайгыларымны читкәрәк куеп, берни уйламый, ярым пышылдап, талгын гына, аеруча рәхәтлек тоеп, ләззәтләнеп, комплементыма җавап рәвешендә сөйләгән хуҗабикәне шым гына тыңлап яттым. Ишеткәнәремне, ул сөйләгәнчә, беренче заттан сиңа җиткермәкчемен, кадерле укучым. ‒ Мин тулы булмаган гаиләдә үстем. Хәтерләвемчә, әнием беркайчан да, мин ялгыз дип мескенләнеп, җебеп, балавыз сыгып йөрмәде. Ир-ат җыеп ятып, эчкечелек белән дә шөгыльләнмәде. Иртән торып, эшенә китте, кич арып кайтып, ашарга әзерләде, бергәләп утырып ашадык. Мин нигә әтисез баламын икән, дигән уй башыма кереп тә чыкмады. Иптәш кызлар: “Синең әтиең кайда?” ‒ дип сорасалар, исем дә китми, шулай тиеш дигәндәй: “Ул үзенең инәсе белән яши”, ‒ дип җавапладым. Алар миңа кызыгып карап, аптырашып: “Сиңа нинди рәхәт”, ‒ ди иделәр. Мин балалыгым белән берни аңламаганлыктан, бик гаҗәпләнеп, әтиле яшәүдән әтисез яшәүнең ни аермасы бар да, нәрсәсе рәхәт икән, дип, баш катыра идем. Үсә төшеп, аларның исерек аталары кыш уртасында әниләрен ялан өс килеш урамда, акырып сүгә-сүгә куып йөрткәннәрен күргәннән соң, “Ярый әле минем әтием юк”, ‒ дип сөенә идем. Шуңадырмы, әллә әниемнең дөньяга карашы тәэсир иттеме, белмим, беркайчан да ир дип исем китеп бармады. Яшь чакта күп укыдым, күп эшләдем, егет эзләп баш ватмадым. Үлеп яратам дип, койрыктай тагылып йөргән Зиннәткә кияүгә чыгып, Зинәмне таптым. Биш ел тату яшәдек. Иремнең хыянәтен сизгәч, талашып-нитеп тормадым, күз яшьләремне түгеп әрәм итмәдем, кызымны алдым да чыгып киттем. Терсәк якын – тешләп булмый, болай килеп чагар, гаилә җимерелер, дип уйламагандыр. Без шулай кинәт чыгып киткәч, хыянәте өчен нык үкенде инде ул. Кире кайтармакчы булып, үлә язып, озак ялынып йөрде, гафу итә алмадым. Мин аның кешесе түгел. Киселгән икмәк кабат ябышмый. Башымда бер генә уй буталды. Ничек яшәр өчен бүлмә табарга, дип борчылдым. Аллаһ булыштымы, ризык йөреттеме, әйтә алмыйм. Шулай сезнең районга килеп чыктым. Эшлим дигән кешегә эшнең бетәсе юк, куш куллап чакырып торалар. Дипломым булгач, эш табу кыенлыгы тарымады. Эш хакы бик зур түгел, әмма мин аны тотынырга, планлаштырырга өйрәндем. Үземне түбәнсетеп, Зиннәттән алимент сорамадым. Акча күпме булса да җитми диләр. Минеке үзебезгә җитә, артып та калгалый әле. Әни шикелле иртән торып, эшкә йөгерәм, кичләрне кызым белән үткәрәбез. Безгә күңелсез түгел. Пар эзләп, кафе, дискотекаларга йөргәнем юк. Интернет аша да, болай да танышырга маташучылар буа буарлык, күңелем тартмый. Юк, кирәк җирләре юк. Әнием язмышын кабатлыйм бугай.Тагы кияүгә чыгарга исәбем юк. Сизеп торам, ирләр аздырырлык ялгыз хатын дип, тишәрдәй итеп карыйлар. Исем китми: карый бирсеннәр. (Дәвамы бар.)

Мин картаймыйм Шым гына илһам йөри, Тәмле йокымны бүлдереп. Мин эзләгәндә, көндез Качкан иде җилдереп. ‒Йокым, дим,кадерле кунак, Элдерт, сыртыңа салганчы. Текәлгән дә карап тора, Сүзсез, күзләре талганчы. Аңламыйм, ни әйтмәкче, Миннәнме әйттермәкче. Сырпалана нәкъ мәче. Шигырьме үрдермәкче. Иҗатка ябышмадым, Илһам килде дип кенә. Бер-беребезгә иптәш, Утырсын янда тик кенә. Картаймавымның сере: Илһам ‒ тугры дус янәшә. Минем девиз: нур чәчеп, Шатланып яшә дә яшә. Сания Шәрипова, Башкортостан, Бүздәк 29.11.2024

Авырыйм Бакчадан җил чәчәге Чире алып кайттым. Зеленкага батып, Бераз авырып яттым. Кызлар мине сагынган. Имеш сеңлемә килгәннәр, Яраткандай кыйланалар: Өстенә өелгәннәр. Әнинең киемен киеп, Уйнамакчылар уен. Читтән генә күзәтәм, Тик яту миңа кыен. Кызларның уены мәзәк. Артист кебек киенәләр, Аякта үкчәле түфли, Хушбуйларга коеналар. Иреннәрендә иннек, Тырнаклары лаклана, Көзгегә карап сөйләшә, Уйныйбыз бит,- дип аклана. Сеңлемне шуларга биреп, Кызлар карап ят инде. Уйнама да, чәй белән дә Сыйлый алма, оят инде. Авыру миннән курыккан. Җил чәчәге кызларга йоккан. Кызарып чыгып, кычындырып, Тәмам аякларыннан еккан. Йөрмәсеннәр очындырып, Сеңлем кырына килеп. Өйләрендә утырсыннар, Авыру икәнемне белеп. Сания Шәрипова, Башкортостан, Бүздәк районы, Уран авылы. 05.02.14.

Хәерле иртә дусларым. Бүген сишәмбе, көннәрнең иң шәбе. Аллаһ тәгалә үзебезгә, гаиләләребезгә, туганнарыбызга, кардәшләребезгә, кода-кодагыйларыбызга, таныш-белешләребезгә бәрәкәтле, уңышлы, хәерле көн насыйп итсә иде. Үзегезне һәм якыннарыгызны саклагыз. Авылдашларым сезнең өчен Ашыга-кабалана барганда, Иртән яраткан эшемә Сәлам бирәм күршеләргә Исәнлек юллыйм кешегә: ‒Бәхет насыйп итсен Аллаһ Һәммәгезгә, безнең ишегә. Хәерле эш сәгате теләп, Ихлас күңелдән елмаеп, Озатып кала урамдашлар. Иңнәремә канат үсә. ‒Рәхмәт сезгә, авылдашлар. Шатлыктан күңелем тула, Илһам уяна, яңа җыр туа: ‒Уңышларым, хезмәтем, көчем Авылдашларым, сезнең өчен. Сөенеп, эшемнән кайтам, Җырны җырлый-җырлый кичен ‒Сезне чын йөрәктән яратам. Уңышларым, хезмәтем, көчем Авылдашларым, сезнең өчен. Сания Шәрипова, Башкортостан, Бүздәк районы, Уран авылы

VID-20241026-WA0011.mp4

Бернче кар Көтелгән беренче кар Ап-ак мамыктай йомшак. Аңарда сихрилек бар: Каяндыр күзәткәндәй Хыялдагы сөйгән яр. Юксыну хисе бөркелә, Серлелек исе килә. Жан үзе өркелә, Үзе нәрсәдер көтә. Карап торсаң, тамаша, Кар яумый,энже ява. Күз-керфекләр камаша, Йөгәнсез күңел чаба Шул карларда адаша. Мәхәббәткә сусаган Керсез хисләр саташа. Тәүге кар:”Ул килер, Көтеп ал”,- дип алдаша. Сания Шәрипова ,Уран авылы

Хәерле шимбә иртәсе белән, дуслар!..яңа көн, яңа иртә белән!..иртән иртүк күзне ачкач, мин бәхетле диегез...үзегезгә бәхетне сез, тартып китерә белегез...юк кына нәрсәләргә дә, шатланыгыз, көлегез... бүгенге көн кабатланмый, матурлыгын күрегез!..ял иртәсе чәйләрегез тәмле булсын, көннәрегез күңелле үтсен!.. организм өчен иң файдалы витамин - шатлана белү... сәламәт булыгыз!..Юлларда исән - имин йөрегез. Үзегезне һәм балаларыгызны саклагыз Ял көнендә сезгә укырга нәрсә куярга микән дип уйладым да. "Наколка" дигән хикәямне татарча "Тату"дип исемен генә үзгәртеп кабаттан куярга булдым. Кемнәр укыган, укып тормасагыз да була. Тату ‒ тән бизәге Әхирәтем кунакка кайткан оныгының кулбашыннан чак кына түбәнрәк урынга наколка ясатуын, аның яңа килеп кунган күбәләк кебек килешеп торуы турында сөйләгән хәбәреннән соң, бөтен тәнем чымырдап китте. Шул наколга бәйле бер-артлы берничә вакыйга күз алдына килеп басты. Беренчесе ‒ әниемнең апасы, аңа туксан алты яшь, авылда яши. Наколкасын кайда, кайчан һәм кемнән ясаткандыр. Без бәләкәй чакта, аның кулының баш бармагының буеннан буена 1928 дип язылган, күзләрне үзенә тартып торган цифрлар бар иде. Соңрак ул юкка чыгып, урынында ямьсез ярасы калды. Ападан саннарның кая югалганлыгы белән кызыксынам. Гел бертөрлене кисәң, матур кием дә җиләтә. Бу саннар аңа комачау түгелме икән дип уйлаганлыктан, шуңа кагылышлы сораулар биреп, аптыратам. Серкәсе су күтәрми, сүзне гел икенчегә борып, җаваптан котыла. Аннан бу турыда оныттым. Әле хәзер, апам картаеп, әбигә әйләнгәч, үзе чишелеп китеп сөйләп бирде. Теге дөньяга барасы барга, күңеленә шом кергәнме, Аллаһ биргән матурлыкны боздыру бик олы гонаһ икәнлеген аңлаган. Ул аны яшьлеге белән уйламыйчарак, иптәшләре алдында текә күренергә теләп эшләткән. Пенсиягә чыгар алдыннан, иртәрәк хаклы ялга китәр өчен, үзен зуррак итеп күрсәткән документлар юнәлткән. Танышлары, синең кайчан туган елың кулыңа тамгаланган, пенсиягә ерак әле дип, йөзен ертмасыннарга, ясаткан җуелмас язмасын кислота белән яндырып бетергән. Тәненең бөтен урынын миңнәр басуын шуңардан күрә. Икенчесе ‒ яшьлектәге танышым Фәйрүзә хакында. Без аның белән армия барганда, юлда поезда танышып дуслашып киттек. Ул Бүздәкнең үзеннән булып, авылыбызның һөнәрчелек училещесын тәмамлаган. Аның нигәдер кызларга охшыйсы килмичә, егетләр кебек кыю һәм блатной булып күренәсе килде. Тарта белгәндерме, юкмы, рәхәтләнеп, фильтырсыз “прима” тәмәкесен көйрәтеп, паровоз төтеннәренең исен чыгарды. Күнегелгәнгәме, сигарет аның атрибуты сыман тоела иде. Армиягә кадәр егетләр арасында тракторист, шофер, эретеп ябыштыручы һөнәрләре үзләштергән. Кулларының нинди татировкалар белән чуарланганының якорьдан белән яңа чыгып килүче кояштан башкасы хәтердә калмаган. Анда елан-бүсер ише сурәтләр чутсыз иде. Тәмәке дә саргайта алмаган ап-ак йөзенә килешеп торган чем кара чәчләрен кырыкмыш тайныкы шикелле ясап, кып-кыска итеп кистергән, өстендә кара футболка белән бөгәрләнми торган, туза белмәс лавсан чалбар, аягында крассовки. Әллә нинди таза гәүдә, кыяфәтенең ир затларыннан аермасы юк. Сөйләмен сүгенү сүзләре кушып җибәреп матурлый. Фәйрүзәнең бизәнгечләр дә, хатын- кызлар күлмәге дә юк. Таза, мускуллардан гына торган гәүдәсенә күлмәк хатын-кыз булып киенгән ир-атны хәтерләтер иде. Спорт мәйданчыгында мин өстәл теннисы уйнаганда, ул авыр штангалар күтәреп йөрде. Хәрби антны кабул иткәч, без аерылыштык. Армиядән соң, унбиш еллап вакыт үткәч, көтмәгәндә гражданкада район дәваханәсендә хезмәттәш якташым белән очраштык. Миңа өченче балам белән, аңа яше дә тулмаган беренче кызы белән балалар дәваханәсендә дәвалану курсы үтеп ятарга туры килде. Фәйрүзәнең кулларында татировканың эзе дә калмаган дип әйтәлмим. Кайбер урыннарында бизәкләренең җөйләре, зәңгәрсу таплары бар иде. Ни өчен бетерүен үзе әйтмәде, мин сорашмадым. Бу мәгънәселек булыр иде. Өченче татировка 80нче еллардагы вакыйга белән бәйле . Мин мәктәп каршысындагы интернатта тәрбияче вазифасын башкарган чор. Интернат ягып җылытыла. Кочегар булып Иван дәдәй эшләде. Ул безнең як кешесе түгел. Күптән инде Себердән авылдашыбыз ни сәбәпледер (документларын югалтканмы) ияртеп алып кайткан, шуннан бирле авылыбызда яшәргә торып калган. Бер авыз татарча сүз белмиме, белеп әйтмиме. Кешелекле, һәркем белән аралашып һәм ярдәмләшеп яши. Котельчик янына күрше авылдан килеп интернатта торган Наил еш кереп югала. Мин, малай начар гадәтләргә өйрәнеп, башкаларга таратмасын дип борчылам, күз уңында тотарга тырышам. Интернаттагыларны ач та дия алмыйм. Ул чаклы туеп та сикермиләр. Үзләре туеп, күзләре туймыймы, хөкүмәт азыгы җиләтәме. Ашарга дисәң, чиркәү башына менәләр. Интернатка чит- ятларны кертергә рөхсәт юк. Наил быел унынчыны тәмамлыйсы хисле генә егет. Җырлый, шигырьләр яза, гитара чиртә, рәсем төшерә. Таланты бар, әти-әнисе юк. Җылы яраткан еландай Иван дәдәй янына ияләште. Малай янына авыл малайлары да, училеще курсантлар да килеп йөри. Алар Наилдән татировка ясаталар. Каян уйлап чыгаргандыр (этлеккә аеруча башы эшли), рәсем төшерер өчен кулдан үзе ясаган ручкалы, моторчиклы һәм струналы кесәгә сыймалы бәләкәй машинкасы бар. Мин аны тартып алыр идем, ятим баланың әйберсенә тияргә кулым бармый. Кыскасы үзенә тәм-томлык акча эшли, бүлмәдәш дусларына да өлеш чыгара. Күздән озаккарак юкка чыкса, кибеткә тәмәкегә, винога мазар йөрмәсен дип шикләнәм. Наилнең яраткан урынына юл тоттым. Безнең рәссам янына чираттагы “клиент” килгән. Кулындагы шакмаклы дәфтәр битенә оясында пәрәвезләренә уралып утырган үрмәкүч рәсеме. Мин килеп кергәнгәме, дядя Иван Наилне наколканы эшләмәскә үгетли. Клиентны да болашма, әллә нинди зэковский, и её ещё заслужить надо, нәрсәгә кирәк ул, нигә тәнеңне боздырасың дип, русча сүгә. Сүгелә торгач, миннән кыенсындымы,теге малай икеләнеп борылып чыгып китте. Без Наил белән дядя Иванга сәерсенеп карадык. Ул Наилнең эшенә бик кысылып бармый иде бугай. Эш сәгатем булса да, 10-15 минут тоткарланып, кочегар сөйләгәнне тыңлап, телсез калдым. ‒ Минем Андрей исемле абыем бар иде. Миңа уналты яшь тулгач, юләрлеге аркасында, зонага эләкте. Кемнәр беләндер сугышканнар, ике ел бирделәр. Болай да хулиган иде, тегеннән кайткач, вообще блатланым стал, “мин закондагы вор” дип мактанып йөрде.Төрмәдә күкрәгенә менә бу малай алып килгән рәсемдәге сымак үрмәкүчле наколка эшләтеп алган.Карап торсаң, куркыныч, кайчагында чынга охшап китә, Андрей кулын хәрәкәтләндерсә, күкрәгендә үрмәкүч аягын селкетеп куя. Озак шатланып йөрергә туры килмәде. Мине Армиягә алдылар. Хезмәтемне тутырып, өйгә кайткач, әни, табын корып, дусларны туганнарны җыйды. Кичтән эштән кайткан Андрейны танымадым. Ул миннән биш яшькә түгел, гүя егерме биш яшькә картайган. Икенче көнне әни белән сөйләшкәндә, абыемның еш авыруы, врачларның диагноз куялмаулары, сәбәбен белергә әби-чәбиләргә йөрүләре турында әйтте. Им-том белән болаша торган күрше корткасы каты бозым ‒ үләргә дип ясалган бозымы бар дигән. Андрей аның ишегә ышанмый, шуңа бозымны бетерүгә аяк терәп каршы тора. Әни аның наколкасын ошатмый. Улым, абыең белән ипләп кенә әйбәтләп сөйләшсәң, сине тыңлар. Шул үрмәкүчне берәр ничек бетертергә иде, дигәч, дядя Иван ризалаша. Аңлашырга теләп, Андрейга бергәләп мунча керегә тәкъдим иттем. Күптән, күңел ачып, мунча кергән юк. Абый каршы кимәде. Мунчага барып чишенгәч, наколканың зурайганлына игътибар иттем. Үрмәкүч аның күкрәгенә сыймыйча, аякларын корсагына кадәр сузган. Андрейга бу хакта әйткәч, җилкәсен җыерып, кулбашын сикертте, кулын селтәп, ничек бар шулай инде, дип куйды. Мин хаклы булсам да, аның белән ярышып, бәхәс куертмадым. Миемә татухасы абыйны картайтып киптерәдер, дигән уй кереп оялады. Бозыммы, түгелме икәнен белмим. Берәр чара күрергә, чиркәүгәме, больницагамы, барырга кирәк дигәч, ул кызып китте. Тынычлангач, әни кушамыни, эшем авыр, шуңа бераз бирештем, ди. Безнең әңгәмә килеп чыкмады. Күпмедер вакыттан абый балыкка барырга чакырды. Мин каршы килмәдем. Ләкин яңа эшкә урнашканлыктан, килешелгән көн шимбә булуга карамастан, эш көне булып, начальство мине җибәрмәде. Андрей аңлады, үпкәләмәде, ялгызы китте. Шул китүдән югалды. Милициягә гариза язсак та, аны эзләп тормаганнардыр. Андрейның кай тирәгә барасы билгесез. Гадәттә балыкка электричка белән йөреп, ошаган урында төшеп кала идек. Елга буенда төшкәнме, күлгә үк киткәнме, кем белсен. Инде табылмас дип уйлаганда, милициядән моргка опознаниега чакырып шалтыраттылар. Әллә ул, әллә бөтенләй башка кеше, карарга куркыныч дип, әнине көяләндермәс өчен сследователь белән икәү кердек. Мәет Андрей иде. Карап торышка танырлык түгел. Бөтен гәүдәсе, зәп-зәңгәр үрмәкеч оясына чуалган, бите генә үзгәрешсез калган. Корсагында кәперәеп мактанган рәвештә теге үрмәкүч... Тәнгә наколка эшләтү ‒ әлбәттә һәркемнең үз ихтыяры. Бәлки мин өлкән яшьтәге кеше буларак, яшьләрне аңлап та бетмимдер.Татировка турындагы шундый вакыйгаларга тап булган кеше буларак, мин аны кабул итмим. Кешемен дигән кешенең кешедә эше булмый. Әмма берничә сүз әйтми булдыра алмыйм. Җаны теләгән елан ите ашаган ди. Үз тәнеңне бизәү – кешенең иң борынгы иҗади сәләтләренең берсе. Цивилизациянең төрле чорларында тату явыз рухлардан саклану, үз-үзеңне күрсәтү символы булган. Тату – бик җитди адым. Балалык, шаукым, мода һәм башка мәгънәсез факторлар аркасында гына бу адымга барырга ярамый. Аны ясатканчы, мең кат уйларга, яхшы останы табарга, медицина ягын уйларга кирәк, дип уйлыйм. Сания Шәрипова, Башкортостан, Бүздәк

ГАЙБӘТ ҖИМЕШЕ Колагына кереп калган Имеш кытнабикәң Янында чит-ятлар Килеп чуала икән. Әтәч үлеп көнләшә Африкадагы филдән, Битәрли тавык бахырны: -Чебешләрең синең җилдән. Үземә үзем ышанмыйм, Түбәнрәк төшсәм билдән. Күз салалар сиңа Әллә кемнәр башка илдән. Сиңа гел туры карый Озын колаклы кылый. Ышандырып яшь түгә, Тавык кытаклап елый. Әтәч мескенне тирги, Тетмәсен тетеп сүгә: -Юккамыни мәче, күргәч Мине артка чигә, чүгә. Кайда йөрисең эт аздырып, Мамык штаныңны туздырып, Кытаклап миннән уздырып, Юкка канымны кыздырып. Шулай, көнне җил боза. Кеше арасын имеш-мимеш, Юклы- барлы сүз боза. Гайбәт китерә мул җимеш. Сания Шәрипова, Башкортостан, Бүздәк районы, Уран авылы.

Хәерле сишәмбе иртәсе белән, дусларым!..яңа көн, яңа иртә белән!..бу дөньяда һәрбер кеше, бәхетле була күрсен...сәгать, минут, айлар, еллар, гел бәхет белән үтсен!.. шатлык-сөенечләр, якты хыяллар сезне ташламасын һәм сезгә яшәү көче, яшәү яме бүләк итсен!..иртәнге чәйләребез тәмле булсын, җаннарыбызга сихәт бирсен!..бәхет һәр көнне сезнең белән уянсын!.. сәламәт булыгыз!Юлларда исән- имин йөрегез. Үзегезне һәм якыннарыгызны саклагыз. Бисмилләгезне әйтеп, әнкәләрегезне искә төшереп, яңа пешкән тәбикмәк белән, яңа чәшкәләрдән мәтрүшкәле чәй эчеп җибәрегез әле. Күңелегез күтәрелеп, җаныгыз җылынып китәр. Әни булсын яныбызда Әнием һәркөн саен Бишәр тапкыр укый намаз. Күңелендә изге теләк, Йөзендә иман нуры, наз. Бармаклары дисбе тарта, Үзе Аллаһка ялвара. Сүзләреннән киләчәккә Ышаныч, өмет ярала. “Уйламыйча ясалган Гонаһлардан арала. Ярлыка балаларымны, Үземне, газиз Аллам!” Әнкәм баскан намазга, Өй эче тынган беразга. Җиңел, рәхәт барыбызга. Дисбеле әнкәйләребез, Булсын иде яныбызда. Сания Шәрипова, Башкортостан, Бүздәк