Предыдущая публикация
Бир пайтлар юрар эдим соянг бўлиб,
Ишонганинг тоғдек улкан қоянг бўлиб,
Мана энди кўздан оққан жоланг бўлиб,
Яшаяпман сенсизликда, менсизгинам!
🌹🌹🌹🌹🌹🌹🌹🌹🌹🌹🌹🌹🌹
Эрта-ю кеч йўлларингни кутар эдим,
Сен оҳ десанг, жонимни ҳам тутар эдим,
Мен ёнингда оғуларни ютар эдим,
Яшаяпман бедор бўлиб, дилсизгинам!
🌹🌹🌹🌹🌹🌹🌹🌹🌹🌹🌹
Олиб қўйдинг бутун кўнглим бисотини,
Билмасмидинг юрагимнинг фарёдини,
Сезмасмидинг кўзларимнинг ишқ додини,
Яшаяпман, абгор бўлиб, ҳиссизгинам!
🌹🌹🌹🌹🌹🌹🌹🌹🌹🌹🌹🌹
Сендан ўзга дилни орзу қилолмайин,
Соғинганда юзларингни силолмайин,
Юрагингда не борлигин билолмайин,
Яшаяпман ожиз бўлиб, ожизгинам!
🌹🌹🌹🌹🌹🌹🌹🌹🌹🌹🌹🌹
Не топгандинг юрагимдан кетиб - кетиб,
Сенсизликнинг ошёнига етиб - етиб,
Кўнгил уйинг тахтин орзу этиб - этиб,
Яшаяпман, кўнгли мендан олисгинам,
🌹🌹🌹🌹🌹🌹🌹🌹🌹🌹🌹🌹🌹
ОҚШОМ
Оқшом юлдузларни ҳилол уйғотар,
Дарё тўлқинларин шамол уйғотар.
Қайдасан, эй шамол олиб кетган гул?
Мени шу аламли савол уйғотар.
Оқшом юлдузларга боқиб йиғладим,
Дарё тўлқинида оқиб йиғладим.
Менам дарё бўлдим, сел-селоб бўлдим,
Юрагим олмадай қалқиб йиғладим.
Тақдирга тан бердим, шукрона айтдим,
Тупроққа айланиб, тупроққа қайтдим.
Аммо оқаверди асов юрагим
Оқшом юлдузлари чақнаган пайти!
Оқшом юлдузларни ҳилол уйғотар,
Дарё тўлқинларин шамол уйғотар.
Сени тушларимда кўриб, чақирсам,
Мени бир бегона аёл уйғотар.
Следующая публикация
Нет комментариев