ЖОЛУМ ЭЛТИР БАЛЛЫ СЫРТХА

Жибек чачын эрттен сайын
Таугъа, тюзге иеди кюн.
Салам берип, жерни сайын
Айбат эте, тёгеди гюл .
Тау этекле гюлден толуп :
Залыкъылды, оймакъ гокка ...
Аякъ тюпде кийиз болуп ,-
Тау гюлханий, науруз гокка...
Бийик Малкъар - кийик Малкъар,
Тепленмесин таза къарынг.
Чыран суула тюзге саркъа ,
Жашнасынла беш да тарынг !
Аллах сюйген кюнлю жерим,-
Состар ташданды бешигим.
Аллах берген гюллю жерим -
Жаннет къыралны эшиги !
Жолум элтир Баллы сыртха,
Жанкъоз къысымла жыяргъа.
Насыбымы Ата журтха
Саугъа этип, жаяргъа.