Предыдущая публикация
АХИР ОЖИЗ БАНДАМИЗ
Ғийбат қилиб, тош отса,
Билиб, гуноҳга ботса,
Виждонни ҳам сотса,
Кўриб турибди Аллоҳ.
Ҳасад қилма, ҳавас қил,
Аввал сен, ўзингни бил,
Гап сўзларни ўйлаб қил,
Кўриб турибди Аллоҳ.
Ҳаромдан луқма ема,
Биров кўрмади дема,
Шайтон сўзига кирма,
Кўриб турибди Аллоҳ.
Ёмон инсон барчамас,
Яхши инсон чарчамас,
Фарзини қил қийинмас,
Кўриб турибди Аллоҳ.
Охиратни ўйла сен,
Дуо қилиб ўқи сен,
Жаннатни гар кўзлайсан,
Кўриб турибди Аллоҳ.
Тилдан учар оҳимиз,
Шайтони бор тандамиз,
Кечиргин гуноҳимиз,
Ахир ожиз бандамиз.
(Солиҳабегим)
Следующая публикация
Нет комментариев