Кимгадир армон бўлди бу кунни кўрмоқ,
Яратганга шукур айлаб сўрайлик паноҳ,
Келаси Жумага ҳам етказсин Аллоҳ!
Азизларим келинглар ушбу файзли ва дуолар қабул бўладиган тонгда биргалашиб дуо қиламиз!!!
АЛЛОҲИМ!
Ёстиғим жойнамоз, уйқум намоз, ҳар нафасим зикр бўлсин!
АЛЛОҲИМ!
Бошимдан оёғимга қадар, ёшлигимдан бугунимга қадар, ҳаётимдан мамотимга қадар барча гуноҳларим учун тавба қилдим!
АЛЛОҲИМ!
Ўлим ҳақдир, Азроил алайҳиссаломни менга табассум ила юзлантир!
АЛЛОҲИМ!
Кўзим нурини, ақлим шуурини, қўл ва оёғим кучини, бутун вужудим қувватини олиб қўйма...
Назарим ибодат, сукутим тафаккур, сўзларим зикр бўлсин!
АЛЛОҲИМ!
Кўз очиб юмгунга қадар бизни ўз нафсимизга ташлаб қўйма.
АЛЛОҲИМ!
Ҳар нафасда тилимни зикрдан, қалбимни шукрдан ва ақлимни фикрдан айирма...
Оиламга ёмонлик истаганларга Ўзинг кифоя қил!
Пасткаш номардлардан бизни узоқ тут!
Гуноҳлари авф этилган сиддиқлардан бўлишимизни насиб эт!
Бизни уларнинг суҳбатига, зикр халқаларига восил айла!
АЛЛОҲИМ!
Онадан туғилгандек пок ҳолда Сенга юзланишимиз учун Ўзингга илтижо қиламиз.
Бизларни солиҳ қулларингдан айла!
Амал дафтаримизда савоби тўхтамайдиган амаллардан ёзилишини насиб эт!
Наъим жаннатинг ворисларидан бўлишимизга Ўзинг кўмак бер!
Ота-онамни Ўзинг авф эт!
Устозларимни раҳматингга ноил айла!
АЛЛОҲИМ!
Қабрда юзимни қаро қилиб қўйма...
Бу дунёда ичганимиз зам-зам, у дунёда эса кавсар бўлсин!
Бу дунёда юрган йўлимиз ҳидоят, у дунёда эса сирот бўлсин!
Бу дунёдан олганимиз гўзал ахлоқ, у дунёда эса бароат бўлсин!
Бу дунёда кирган еримиз Маккаю Мадина, у дунёда эса жаннату Аъло бўлсин!
Бу дунёда зиёратларимиз Байтуллоҳ, равзаи мутоҳҳара, Қуддусу Шариф, Арофат, Мино ва Муздалифа, у дунёда эса Пайғамбарлар мажлиси бўлсин!
Бу дунёда назаримиз Каломинг, у дунёда эса Жамолинг бўлсин!
Икки дунёда тақво, солиҳ амал ва гўзал ахлоқ ҳамроҳимиз бўлсин!
АЛЛОҲИМ!
Зурриёдларимиздан дунёда кўз-қувонч, охиратда эса иззат тожи олайлик...
Дастурхонимиз илм, суҳбатдошимиз олимлар бўлсин!
Бу дунёда дўстларимиз ҳақ аҳли ва ғариб-мискинлар, у дунёда эса Пайғамбарлар жамоаси бўлсин!
АЛЛОҲИМ!
Дунёда иззат билан яшашни, вафотда шаҳодат билан кетишни, қайта тирилишда ҳисобсиз жаннатга киришимизни насиб айла!
Азизларим, бугунги бошлаб олган Жума кунингиз хайрларга васила бўлсин...
Жаннатда бир ошиёнингиз бўлсин!
Амин! 🤲🏼
Присоединяйтесь к ОК, чтобы подписаться на группу и комментировать публикации.
Комментарии 3