Мана кетдинг нима ўзгарди,
Тиз чўкмадим, йиғламадим хор,
Дош синмади, эгилмади бош,
Ботмоқда шом, отмоқда нахор.....
Мана кетдинг хўш нима бўлди,
Осмон пастга қулаб кетдими...?
Ё ҳижронинг қийнаб юрагим,
Мени ҳушдан маҳрум этдими...?
Мана кетдинг кимга нима наф,
Ҳеч ким мотам очмади қара,
Ўша ташвиш, ғамларим ўша,
Шодлигим хам ўшандай сара....
Мана кетдинг ўзингча мағрур,
Дединг сендан чиқмайди бир иш,
Мўъминмисан ё кофир кимсан,
Сен хақингда ҳар ерда ҳар миш....
Мана кетдинг бўлдими қиёмат қоюм,
Чақмоқ чақиб фалак ёнмади,
Тандирим чўғ, ўчмади олов,
Сен ғариб деб дунё тонмади....
Мана кетдинг энди бизлар ёт,
Сохта сўзнинг битди фурсати,
Юздан ниқоб ечилиб оҳир,
Ошкор бўлди ёлгон сурати....
Мана кетдинг, кетдинг вассалом,
Ортикча сўз, важлар керакмас,
Мен гуноҳкор, осий бир банда,
Сен хам шундай, тан ололсанг бас....
Мана кетдинг нима ўзгарди...?
🌾💐🍃Dilhayotbegim🌷🌱🌹🌿dunyosi🍂☘🌺🍀🌸
Присоединяйтесь к ОК, чтобы подписаться на группу и комментировать публикации.
Комментарии 3