Аллоҳ таоло Сахий ва Бой Зотдир. Бунга заррача шубҳа қилган киши иймонидан, динидан ажраб қолиши мумкин. (Наъуузу биллааҳ мин заалик.)
Аллоҳ таоло “Бақара” сурасининг 212- оятида айтади:
«Аллоҳ Ўзи истаган кишиларга ҳисобсиз ризқ беради!»
Бу дунё – имтиҳон. Биз билган ва билмаган ҳикматларга кўра кимнингдир ризқи камроқ бўлиши ёки кечиктирилиши мумкин. Бу ҳам бир синов. Бундай тасарруфнинг ҳикматларидан бирини "Шууро" сурасининг 27- оятида баён қилинади:
«Агар Аллоҳ бандаларига ризқни кенг-мўл қилиб қўйса, албатта, улар ер юзида ҳаддан ошиб, туғёнга кетурлар. Лекин, У ризқу рўзни Ўзи хоҳлаганича ўлчов билан туширади. Албатта, У Ўз бандаларидан Хабардор ва уларни Кўриб тургувчидир».
Роббимиз бир лаҳзадаёқ бўйимиздан баландроқ, вазнимиздан оғирроқ ризқни бериб қўйишга Қодир Зот. Аммо-лекин, биз ўша берилган неъматларни кўтароламизми?! Ҳар қандай ҳолатда ҳам Унинг тўғри йўлида сабр-ла юроламизми?!..
"Аллоҳ ҳам кўтарганга беради!" - дейишарди катталар...
Присоединяйтесь к ОК, чтобы подписаться на группу и комментировать публикации.
Нет комментариев