Предыдущая публикация
ТАҚДИМИ ЧОР АРОБАЧАИ МАЪЮБӢ БА ЭҲТИЁҶМАНДОН АЗ ҶОНИБИ МУҲОҶИРОНИ МЕҲНАТИИ КӮЛКАНДӢ
Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон зимни ҳар як суханрониҳои худ таъкид менамоянд, ки дасти ёрӣ дароз намудан ба ятимону бепарасторон, беморону маъюбон ва пирону барҷомондагон яке аз фазилатҳои хуби инсонист. Ҳар яки моро зарур аст, ки дастуру супоришҳои Пешвои муаззами миллатро дар самти дастгирии ниёзмандон сармашқи кори худ намуда, ҳамеша ба ниёзмандон дасти мадади худро дареғ надорем.
Дар ин радиф бо саҳмгузории гурӯҳи муҳоҷирони меҳнатии Кӯлкандӣ, ки дар шаҳри Санкт-Петербурги Федератсияи Руссия фаъолият доранд, имрӯз 4 адад аробачаи маъюбие, ки онҳо тариқи нақлиёти боркаш ба ташкилот равона карда буданд дар ҳузури намояндаи онҳо ба чор нафар шахсони имконияташон маҳдуд аз ҷамоатҳои Навгилем, Кӯлканд, Чилгазӣ ва Нефтобод тақсим карда шуд.
Ёдовар бояд шуд, ки ин гурӯҳи саховатмандони Кӯлкандӣ, чанде пеш барои гузаронидани амалиёти ҷарроҳии Шодиёна Бобоҷонова кӯмаки худро расонида буданд.
Кенҷаев Назирҷон, Амаков Амирхон, Юнусова Рӯзибибӣ соҳиби аробачаи маъюбӣ гашта дар ҳаққи ин мардони саховатманд дуои хайр намуданд.
Ҳамеша сарбаланду комрон бошед бародарони саховатманди Кӯлкандӣ!!!
Худованд сафи чунин шахсони накӯкору Ватандӯстро дар мамлакатамон зиёда гардонад.
ОРМОНИ ДИЛҲО-МО БО БЕҲТАРИНҲО
Следующая публикация
Нет комментариев