💐🍀💐
ПОНЕДЕЛЬНИК, 8 ИЮЛЯ 2024 ГОДА. (25 ИЮНЯ 2024 ГОДА ПО СТАРОМУ СТИЛЮ). СЕДМИЦА 3-Я ПО ПЯТИДЕСЯТНИЦЕ, ГЛАС ПЕРВЫЙ. ПЕТРОВ ПОСТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ПОНЕДЕЛЬНИК).
Петров пост. Прмц. Февронии девы (ок. 304). Блгв. кн. Петра, в иночестве Давида, и кн. Февронии, в иночестве Евфросинии, Муромских чудотворцев (1228). Прпмцц. Леониды, Ливии и Евтропии, Сирийских. Прп. Симеона Синаита. Прп. Дионисия и Дометия, Афонских (Греч.). Новомч. Прокопия Смирнского Афонского (1810) (Греч.). Прп. исп. Никона (Беляева), Оптинского. Новомч. Георгия Атталийского (Греч.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В ПОНЕДЕЛЬНИК.
ТРОПАРЬ НЕБЕСНЫМ ЧИНАМ БЕСПЛОТНЫМ, ГЛАС 4
Небе́сных во́инств Архистрати́зи, / мо́лим вас при́сно мы, недосто́йнии, / да ва́шими моли́твами оградите́ нас / кро́вом крил невеще́ственныя ва́шея сла́вы, / сохраня́юще нас, припа́дающих приле́жно и вопию́щих: / от бед изба́вите нас, / я́ко чинонача́льницы вы́шних Сил.
КОНДАК НЕБЕСНЫМ ЧИНАМ БЕСПЛОТНЫМ, ГЛАС 2
Архистрати́зи Бо́жии, / служи́телие Боже́ственныя сла́вы, / А́нгелов нача́льницы и челове́ков наста́вницы, / поле́зное нам проси́те и ве́лию ми́лость, / я́ко Безпло́тных Архистрати́зи.
ПРЕПОДОБНОМУЧЕНИЦЕ ФЕВРОНИИ
ТРОПАРЬ, ГЛАС 4
Áгница Твоя́, Иису́се, Февро́ния/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди, я́ко да ца́рствую в Тебе́/ и умира́ю за Тя, да и живу́ с Тобо́ю,/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами, я́ко Ми́лостив, спаси́ ду́ши на́ша.
КОНДАК, ГЛАС 6
Женише́ мой, Сладча́йший Христе́, –/ взыва́ше Февро́ния, –/ не тру́дно ми тещи́ во след Тебе́,/ и́бо сла́дость любве́ Твоея́ ду́шу мою́ наде́ждею впери́/ и красота́ ми́лости Твоея́ се́рдце мое́ услади́/ испи́ти ча́шу страда́ний по Тебе́,/ да досто́йну мя в черто́зе с му́дрыми де́вами/ ликовствова́ти о Тебе́ сопричте́ши./ те́мже, преподо́бная страстоте́рпице,/ почита́юще по́двиги трудо́в твои́х, мо́лим тя:// моли́ не затвори́тися и нам черто́га две́рем.
ВЕЛИЧАНИЕ
Велича́ем тя,/ страстоте́рпице свята́я Февро́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
БЛАГОВЕРНЫМ КНЯЗЮ ПЕТРУ И КНЯГИНЕ ФЕВРОНИИ, МУРОМСКИМ ЧУДОТВОРЦАМ
ТРОПАРЬ, ГЛАС 8
Я́ко благочести́ваго ко́рене пречестна́я о́трасль был еси́,/ до́бре во благоче́стии пожи́в, блаже́нне Пе́тре,/ та́ко и с супру́жницею твое́ю, прему́дрою Февро́ниею,/ в ми́ре Бо́гу угоди́вше, и преподо́бных житию́ сподо́бистеся./ С ни́миже моли́теся Го́сподеви сохрани́ти без вре́да оте́чество ва́ше,// да вас непреста́нно почита́ем.
КОНДАК, ГЛАС 8
Ми́ра сего́ княже́ние и сла́ву вре́менну помышля́я,/ Сего́ ра́ди благоче́стно в ми́ре пожи́л еси́, Пе́тре,/ ку́пно и с супру́жницею твое́ю, прему́дрою Февро́ниею,/ ми́лостынею и моли́твами Бо́гу угоди́вше./ те́мже и по сме́рти неразлу́чно во гро́бе лежа́ще,/ исцеле́ние неви́димо подава́ете,/ и ны́не Христу́ моли́теся,// сохрани́ти град же и лю́ди, и́же вас сла́вящих.
ВЕЛИЧАНИЕ
Ублажа́ем вас,/ святи́и чудотво́рцы Пе́тре и Февро́ние,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
ПРЕПОДОБНОМУ ДАЛМАТУ ИСЕТСКОМУ, ЧУДОТВОРЦУ
ТРОПАРЬ, ГЛАС 4
По́двигом до́брым подвиза́вся,/ посто́м, бде́нием моли́твою и любо́вь Христо́ву стяжа́л еси́,/ чу́дным же заступле́нием Бо́жия Ма́тере/ угро́зы неве́рных ни во что же вмени́в,/ я́ко свети́ло на тве́рди Небе́сней просия́л еси́,/ преподо́бне о́тче наш Далма́те,// моли́ Христа́ Бо́га спасти́ся душа́м на́шим.
ИН ТРОПАРЬ, ГЛАС 2
Ди́вный и сла́вный уго́дниче Христо́в,/ сла́вы и по́честей вся́ческих бе́гая,/ в пусты́ни Исе́тской всели́лся еси́,/ созида́я в моли́твах оби́тель твою́, а́ки сте́ны Иерусали́мския,/ засту́пничеством Цари́цы Небе́сныя чу́десно обре́л еси́,/ стра́хом Бо́жиим к стопа́м твои́м поверга́я бы́вшаго врага́// и вно́вь воздви́гни сердца́ на́ша, отступле́нием оскверне́нныя.
КОНДАК, ГЛАС 4
От ю́ности Христа́ возлюби́вше,/ су́етная мирска́я и мудрова́ния презре́л еси́,/ му́жески же в пусты́ню всели́вшеся,/ вся напа́сти вра́жия победи́л еси́/ до́брый и во́ин Христо́в яви́лся еси́./ Помина́й нас, ве́рою чту́щих тя,// Далма́те преблаже́нне.
ИН КОНДАК, ГЛАС 2
Моли́твами и ве́рою оби́тель свою́ огради́вый,/ зе́млю Исе́тскую изря́дно преобрази́вый,/ блаже́нным успе́нием честно́е ста́рчество запечатле́вый,/ явле́нием моще́й твои́х на́с не оста́вивый,/ о́тче на́ш преподо́бне Далма́те,// и ны́не предста́ни и заступи́ чту́щих святу́ю па́мять твою́.
ВЕЛИЧАНИЕ
Ублажа́ем тя,/ преподо́бне о́тче Далма́те,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В ПОНЕДЕЛЬНИК.
(Рим.7,1–13; Мф.9,36–10,8). Посылая на проповедь св. апостолов, Господь заповедал им всех звать, говоря: “приблизилось Царство Небесное”, то есть пришло Царствие — идите в него. Нам же что следует проповедовать? Надо всем кричать: — сыны Царствия! не бегите из Царствия в неволю и рабство, — потому что бегут. Одних пленяет свобода ума: “не хотим. говорят, уз веры и гнета авторитета, даже Божественного; сами все разгадаем и порешим”. Ну и порешили. Настроили басней, в которых больше ребячества, чем в мифологии греков — и величаются… Других увлекает широкий путь страстей: “не хотим, говорят, знать положительных заповедей, ни требований совести, — это все отвлеченности: нам нужна естественность осязательная”. И пошли вслед ее. Что же вышло? Приложились скотом несмысленным. Не от этого ли нравственного ниспадения родилась и теория происхождения человека от животных? Вот куда заходят! А все бегут от Господа, все бегут…
Присоединяйтесь к ОК, чтобы подписаться на группу и комментировать публикации.
Нет комментариев