💐🍀💐
СРЕДА, 3 ИЮЛЯ 2024 ГОДА. (20 ИЮНЯ 2024 ГОДА ПО СТАРОМУ СТИЛЮ). СЕДМИЦА 2-Я ПО ПЯТИДЕСЯТНИЦЕ, ГЛАС ВОСЬМЫЙ. ПЕТРОВ ПОСТ. (ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В СРЕДУ).
Сщмч. Мефодия, еп. Патарского (312). Блгв. кн. Глеба Владимирского (сына св. Андрея Боголюбского) (1175). Перенесение мощей свт. Гурия, архиеп. Казанского (1630). Мчч. Инны, Пинны и Риммы скифов (перенесение мощей, I-II). Мчч. Аристоклия пресвитера, Димитриана диакона и Афанасия чтеца (ок. 306). Свт. Левкия исп., еп. Врунтисиопольского (V). Свт. Мины, еп. Полоцкого (1116). Моденской (Косинской) иконы Божией Матери. Свт. Наума Охридского, ученика свв. Кирилла и Мефодия (Болг.). Свт. Каллиста, патр. Константинопольского. Свт. Николая Кавасилы, еп. Диррахийского. Перенес. мощей и риз свв. апп. Луки, Андрея и Фомы, прор. Елисея и мч. Лазаря в церковь 12 апп. в Константинополе (Греч.).
ТРОПАРИ, КОНДАКИ, ВЕЛИЧАНИЯ ЧИТАЕМЫЕ В СРЕДУ.
ТРОПАРЬ КРЕСТУ ГОСПОДНЮ, ГЛАС 1
Спаси́, Го́споди, лю́ди Твоя́ / и благослови́ достоя́ние Твое́, / побе́ды правосла́вным Христиа́ном на сопроти́вныя да́руя / и Твое́ сохраня́я Кресто́м Твои́м жи́тельство.
КОНДАК КРЕСТУ ГОСПОДНЮ, ГЛАС 4
Вознесы́йся на Крест во́лею, / тезоимени́тому Твоему́ но́вому жи́тельству / щедро́ты Твоя́ да́руй, Христе́ Бо́же, / возвесели́ нас си́лою Твое́ю, / побе́ды дая́ нам на сопоста́ты, / посо́бие иму́щим Твое́ oру́жие ми́ра, / непобеди́мую побе́ду.
СВЯЩЕННОМУЧЕНИКУ МЕФОДИЮ, ЕПИСКОПУ ПАТАРСКОМУ
ТРОПАРЬ, ГЛАС 1
Кровь твоя́, му́дре, та́йно вопие́т от земли́,/ я́коже Áвелева к Бо́гу,/ богому́дре святи́телю Мефо́дие,/ я́сно пропове́давый Бо́жие вочелове́чение./ те́мже и посрами́л еси́ Ориге́нову лесть,/ и преста́вился еси́ в Небе́сный черто́г./ моли́ Христа́ Бо́га,// да Спасе́т ду́ши наша.
КОНДАК, ГЛАС 4
Священнотаи́нник Святы́я Тро́ицы,/ и я́же па́че ума́ повеле́ний Боже́ственных пропове́дник,/ и правосла́вным утвержде́ние был еси́, Мефо́дие,/ злосла́вныя обличи́л еси́ смы́слы,/ правове́рия ра́ди кро́вию твое́ю священному́ченик я́влься,/ и Христу́ со Áнгелы предстоя́,// моли́ спасти́ся нам.
ВЕЛИЧАНИЕ
Велича́ем тя,/ священному́чениче Мефо́дие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
БЛАГОВЕРНОМУ КНЯЗЮ ГЛЕБУ ВЛАДИМИРСКОМУ
ТРОПАРЬ, ГЛАС 4
Днесь све́тло красу́ется сла́внейший град Влади́мир,/ име́я в себе́ пребога́тое сокро́вище —/ чудоточа́щия честны́я мо́щи благове́рнаго кня́зя Гле́ба,/ и́миже украша́яся и хваля́ся,/ вселе́нную всю созыва́ет к весе́лию/ и велегла́сно вопие́т:/ о Влады́ко Христе́,/ дарова́вый такову́ю благода́ть уго́днику Твоему́,/ его́ моли́твами поми́луй нас.
КОНДАК, ГЛАС 8
Взбра́нному и кре́пкому в пра́ведницах,/ правосла́вною му́дростию сия́ющему вели́кому чудотво́рцу,/ благода́рственная воспису́ем ти, благове́рный кня́же Гле́бе:/ я́ко име́я дерзнове́ние у Престо́ла Христо́ва,/ ве́рою чту́щих тя, град и люди́ сохраня́й моли́твами твои́ми:/ ты бо еси́ земли́ Росси́йския похвала́ и утвержде́ние.
ВЕЛИЧАНИЕ
Велича́ем тя,/ святы́й благове́рный кня́же Гле́бе,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
СВЯТИТЕЛЮ ГУРИЮ, АРХИЕПИСКОПУ КАЗАНСКОМУ
ТРОПАРЬ, ГЛАС 4
Я́ко крин благово́нный,/ мироточи́выя твоя́ мо́щи/ от вертогра́да Це́ркве Спа́совы/ в вертогра́д Це́ркве Богоро́дичны че́стне принесо́шася,/ святи́телю Гу́рие,/ я́ко же бо дар че́стен,/ тя дарова́в Христо́с Пречи́стей Ма́тери Свое́й,/ и испо́лнися храм Ея́ святы́й благоуха́ния твоего́,/ и возра́довася архиере́йский престо́л,/ прие́мый тя, первоседа́теля своего́./ Возвесели́ся же собо́р ве́рных со святи́телем и священнонача́льники/ о пресла́вном цельбоно́сных твои́х моще́й пренесе́нии,/ е́же мы ра́достно пра́зднующе, мо́лим тя,/ уго́дниче Бо́жий:/ моли́ Христа́ Бо́га/ пода́ти душа́м на́шим мир и ве́лию ми́лость.
ИН ТРОПАРЬ, ГЛАС 3
Доброде́тельного и благоро́днаго ра́ди твоего́ жития́,/ изве́л тя есть Преще́дрый Бог/ на первопресто́льство богоспаса́емаго ца́рства Каза́ни/ и просвети́л есть уче́нием твои́м бесерме́ньстии язы́цы./ И мно́гия, святи́телю Гу́рие, во избра́нное Христо́во ста́до приве́л еси́,/ и нищелю́бием богоуго́дно пожи́л еси́,/ и по преставле́нии твое́м мно́го лет сокрове́нное твое́ те́ло/ от недр земны́х на удивле́ние яви́ся,/ и благоуха́ннаго ми́ра гроб напо́лнися приходя́щим с ве́рою,/ взима́ющим ми́ро от ра́ки честны́х моще́й твои́х,/ всем источа́еши исцеле́ния,/ святи́телю Христо́в Гу́рие,/ моли́ Христа́ Бо́га/ спасти́ся душа́м на́шим.
КОНДАК, ГЛАС 4
Чу́вственный стра́сти победи́в,/ чистото́ю, я́ко со́лнце, возсия́л еси́,/ чи́сто житие́ до конца́ сохрани́в,/ и от неве́рия в ве́ру мно́гих ко Христу́ приве́л еси́,/ того́ ра́ди от Бо́га нетле́нием почте́н,/ чудесы́ твои́ми вся удиви́л еси́./ Мо́лим у́бо тя, святи́телю Гу́рие,/ моли́твами твои́ми от бед изба́ви нас, да зове́м ти:/ ра́дуйся, о́тче преди́вный, гра́ду Каза́ни похвало́ и утвержде́ние.
ИН КОНДАК, ГЛАС 6
И́стине основа́ние, и ве́ры утвержде́ние,/ и в поуче́ниих преизря́днаго све́мы тя, благоче́стию споспе́шника,/ апо́столом сопресто́льника, страстоте́рпцем соприча́стника,/ по́стником купноревни́теля похваля́ем тя, Гу́рие святи́телю,/ и ве́лия таи́нника Бо́жия благода́ти.
ВЕЛИЧАНИЕ
Велича́ем тя,/ святи́телю о́тче Гу́рие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
МУЧЕНИКАМ ИННЕ, ПИННЕ И РИММЕ НОВОДУНСКИМ
ТРОПАРЬ, ГЛАС 2
Я́коже Первозва́ннаго ученицы́/ первозва́ннии яви́стеся от слове́н,/ и бра́тию ва́шу/ све́том И́стины просвеща́юще,/ от безбо́жнаго свире́паго кня́зя/ лю́тую кончи́ну прия́ли есте́,/ мра́зом окова́ннии и ледом удавле́ннии,/ на Дуна́е реце́ в Ски́фстей стране́./ Но я́ко ду́ши за дру́ги поло́жшии,/ святи́и И́нно, Пи́нно и Ри́ммо,/ и о на́с всемо́щныя моли́твы приноси́те,/ вся́ язы́ки слове́нския/ па́ки ко Христу́ обраща́юще.
КОНДАК, ГЛАС 2
Ве́лия ве́ры исправле́ния:/ ледом окова́нни, я́ко на воде́ упокое́ния,/ святи́и И́нна, Пи́нна и Ри́мма ра́довахуся,/ мучи́тель же несмы́сленно яря́щеся,/ плоды́ и́х виногра́да тща́ся погуби́ти,/ но оба́че доны́не от слове́нских язы́к/ святы́я гро́здия Христо́с прие́млет,/ и первому́ченик слове́нских венча́ет венцы́./ Сего́ ра́ди и мы́,/ взращенных ва́ми ве́рных отроча́та,/ благодари́м и мо́лим вы́, святи́и:/ испроси́те те́плыми моли́твами и на́м/ в Ду́се и́стины по Бо́зе ревнова́ти.
ВЕЛИЧАНИЕ
Велича́ем вас,/ страстоте́рпцы святи́и И́нно, Пи́нно и Ри́ммо,/ и чтим честна́я страда́ния ва́ша,/ я́же за Христа́// претерпе́ли есте́.
ПРАВЕДНОМУ НИКОЛАЮ КАВАСИЛЕ
ТРОПАРЬ, ГЛАС 4
Я́ко наста́вник Боже́ственный и веща́тель прему́дрый/ ве́ры правосла́вныя догма́тов и доброде́телей свяще́ннейших/, просия́л еси́ в ми́ре сло́вом и де́лом/, Нико́лае пра́ведне./ Сего́ ра́ди Солу́нская земля́ твое́ю сла́вою хва́лится// и любо́вию пра́зднует всечестну́ю па́мять твою́.
КОНДАК, ГЛАС 2
Житие́ свое́ ра́зумом Боговдохнове́нным проводи́л еси́/, просия́вый му́дростию и благода́тию,/ и, слове́с си́лою просла́вивыйся,/ благоче́стия учи́тель яви́лся еси́.// Сего́ ра́ди пое́м тя́, Нико́лае.
ВЕЛИЧАНИЕ
Велича́ем тя,/ святы́й пра́ведный Нико́лае,/ и чтим святу́ю па́мять твою́,/ ты бо мо́лиши за нас// Христа́, Бо́га на́шего.
ПРЕСВЯТОЙ БОГОРОДИЦЕ ПРЕД ИКОНОЙ ЕЯ «МОДЕНСКАЯ» (КОСИНСКАЯ)
ТРОПАРЬ, ГЛАС 5
Ра́дуйся, всего́ ми́ра Засту́пнице/ и спасе́ния на́шего Хода́таице!/ Ты бо принесе́нием чудотво́рныя ико́ны Твоея́/ ра́дость и благослове́ние нам источи́ла еси́./ О, Де́во Всенепоро́чная, Цари́це Всепе́тая!/ Хвале́бную песнь воспева́ем Ти, раби́ Твои́,/ и покланя́емся с любо́вию и мо́лим Тя:/ Влады́чице, Ма́ти Христа́ Бо́га на́шего,/ моли́ся приле́жно Сы́ну Твоему́,/ пода́ти нам грехо́в оставле́ние,/ ми́ру умире́ние// и душа́м на́шим спасе́ние.
КОНДАК, ГЛАС 4
Я́ко исто́чника живота́ неистощи́маго/ и страсте́й душе́вных и теле́сных всеще́друю Целе́бницу,/ ми́лости и щедро́т бога́тство неоску́дное/ ве́мы Тя, Всепе́тая Влады́чице./ Те́мже со дерзнове́нием к Тебе́ притека́ем и уми́льно вопие́м:/ Ма́ти Христа́ Бо́га на́шего,/ посети́ нас щедро́тами Твои́ми,/ ми́лости бога́тыя да́руй// и Ца́рствия Небе́снаго сподо́би.
ВЕЛИЧАНИЕ
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ В СРЕДУ.
(Рим. 4, 13–25; Мф. 7, 21–23). “Не всякий, говорящий Мне: Господи! Господи! войдет в Царство Небесное, но исполняющий волю Отца Моего Небеснаго”. Одною молитвою не спасешься; с молитвою надо соединять и исполнение воли Божией, — всего, что на ком лежит по его званию и строю жизни. И молитва предметом своим должна иметь преимущественно прошение о том, чтоб Бог сподобил нас не отступать ни в чем от святой воли Его. И обратно, кто имеет ревность исполнять во всем волю Божиею, того и молитва дерзновеннее пред Богом и доступнее к престолу Его. Даже так бывает, что где хождение в воле Божией не сопутствует молитве, там самая молитва не бывает настоящею молитвою, трезвенною и сердечною, а только внешнею, питательною, во время которой нравственная неисправность как туманом закрывается многословием, при неустроенности и блуждании мыслей. Надо и то и другое сладить благочестием, и будет плод.
Присоединяйтесь к ОК, чтобы подписаться на группу и комментировать публикации.
Нет комментариев