Предыдущая публикация
Ошноӣ бо сураи Қурайш
💐💐
Ба номи Худо
Худоё, бар Муҳаммад ва Оли Муҳаммад дуруд фирист
Салом, қуръономӯзони азиз
Ба хости Худо дар ин барнома бо мафоҳими сураи Қурайш ошно хоҳем шуд:
🌸Матн ва тарҷумаи сураи Қурайш🌿
بِسْمِ اللَّهِ الرَّحْمَٰنِ الرَّحِيمِ
🌿 Ба номи Худованди бахшандаи меҳрубон
لِإِيلَافِ قُرَيْشٍ ﴿۱﴾
🌿 Барои эҷоди улфату меҳрубонӣ миёни Қурайш
إِيلَافِهِمْ رِحْلَةَ الشِّتَاءِ وَالصَّيْفِ ﴿۲﴾
🌿 Улфаташон ҳангоми кӯчи зимистону тобистон [Худо лашкари филсаворро нобуд кард]
فَلْيَعْبُدُوا رَبَّ هَذَا الْبَيْتِ ﴿۳﴾
🌿 Пас бояд Парвардигор ва соҳиби ин хонаро бипарастанд.
الَّذِي أَطْعَمَهُمْ مِنْ جُوعٍ وَآمَنَهُمْ مِنْ خَوْفٍ ﴿۴﴾
🌿 Касе, ки аз гуруснагӣ таомашон дод ва онҳоро аз тарси душман амнияташон бахшид.
Ҳазор офарин, ба шумо бачаҳои нозанин!
Бачаҳои азиз, Худованд мефармояд: Худованд хатари душманонро аз шаҳри Макка ва одамоне, ки дар он зиндагӣ доранд, ки қабилаи Қурайш буданд, дур кардааст то байни онҳо улфат ва меҳрубонӣ бошад ва амнияти дохилӣ дошта бошанд то ҳам худашон бо ҳамдигар ҷангу даъво накунанд ва вақте ба сафар мераванд зану бачашон дар амон бошанд ва вақте зоирони хонаи Каъба ба Макка меоянд дар амон бошанд ва дигарӣ амнияти хориҷӣ ба Қурайш дод чун онҳо барои зиндагӣ ба сафарҳои тиҷоратӣ ба шимол дар тобистон ва ба ҷануб дар зимистон ниёз ба амнияти корвонҳои тиҷоратии худ доштанд.Баъд Худованд мефармояд: Шумо, эй Қурайш, бояд соҳиби ин хонаро ибодат кунед, чун шуморо аз гуруснагӣ наҷот дод ва шиками шуморо сер кард ва аз хавфу тарс наҷот дод ва ба шумо амният бахшид. Пас шумо ба ду далели сер кардан ва амният вазифа доред Худоро бипарастед.
Офарин, ҳоло биёед шеъри зебои сураи Қурайшро бо ҳам бихонем:
Ба номи Парвардигор
Дӯсташ медорам бисёр
Роҳнамои инсон аст
Ҳамеша дар ҳама кор
Ҳоло сураи Қурайш
Паём дорад азизон
Дар сураи Фил хондӣ
Шикасти филсаворон
То байни аҳли Қурайш
Бошад ҳамеша улфат
Тобистону зимистон
Анҷом диҳанд тиҷорат
Ин соҳиби хонаро
Пас бандагӣ намоянд
Бо сериву амният
Хуб зиндагӣ намоянд
Сурудаи Саломиддин Муҳаммадамин
Офарин, бачаҳои азиз.
Худоро шукр, ки бо сураи Қурайш ва тарҷума ва шеъри зебои он ошно шудем.
То барномаи баъдӣ ва ошноӣ бо сураи дигар Худо нигаҳдоратон бод!
Следующая публикация
Нет комментариев