Предыдущая публикация
Тӯфони Ал-Ақсо
Салом бар дили пурхуни масҷидул-Ақсо
Ба масҷиде, ки Худованд гуфт: "Боракно"
Саломи мо ба туву дастҳои басташуда
Саломи мо ба ту эй ҳурмати шикасташуда
Агарчи шӯъла ба по карда фитна ҳар тарафе
Агарчи тафриқа дар ҳар канор баста сафе
Агарчи куфр ба найрангу ҷанг баста камар
Агарчи такфир аз пушт мезанад ханҷар
Даме, ки теғи қиём аз ниём бархезад
Ба азми мо ҳама деворҳо фурӯ резад
Замони фитнаи Шом асту мо саҳарзодем
Замин агар ҳама хомӯш монда, фарёдем
Ба рағми тавтеаи нобародарон ҳастем
Ва дар канори ту эй Қудс, ҳамчунон ҳастем
Мабод он ки рафиқони нимароҳ шавем
Шаб асту фитна мабодо, ки рӯсиёҳ шавем
Набурдаем зи хотир даме туро, эй Қудс
Туӣ ҳанӯз туӣ ормони мо, эй Қудс
Бибин, ки дар ғами ту лаҳзае наёсудем
Ҳанӯз чашм ба роҳони субҳи мавъудем
Бигӯ ба душманамон: Интиқом сангин аст
Ва фатҳи охири мо қиблаи нахустин аст
Бигӯ: Сипоҳ Алӣ сӯи Хайбар омадааст
Бигӯ, ки давраи кӯдаккушӣ сар омадааст
Қасам ба ғайрати ин кӯдакони санг ба даст
Ки нест ҳосили саҳюниён ба ғайри шикаст
Дигар ба маҳкамаҳои ҷаҳон умеде нест
Биё ба маърака акнун, ки фурсате боқист
Муҳаммадмаҳдии Сайёр
Следующая публикация
Нет комментариев