Часопіс "Роднае слова"

З Днём настаўніка!

Сёння адзначаецца 110 гадоў з дня нараджэння Данілы Канстанцінавіча Міцкевіча – старэйшага сына народнага паэта Беларусі Якуба Коласа. Даніла Міцкевіч як старэйшы сын, зразумела, больш часу правёў з бацькам. Дзякуючы фенаменальнай памяці шмат ведаў, занатоўваў цікавыя падзеі і моманты жыцця. Пасля смерці Якуба Коласа менавіта Данілу Канстанцінавічу ўрад краіны прапанаваў стварыць і ўзначаліць музей, стаць захавальнікам спадчыны народнага паэта. І паспяховую прафесію хіміка ён змяніў на музейную справу, працу ў сферы культуры. У вераснёўскай публікацыі «“І сцежак тысячы людскіх”: Слова пра Данілу Міцкевіча» прапануем увазе чытачоў падборку не друкаваных раней матэрыялаў з запісных кніжак Данілы Канстанцінавіча і лістоў да яго ад беларускіх пісьменнікаў, якія дапамагалі музею па ўшанаванні памяці песняра і былі добра знаёмыя з сынам Якуба Коласа. Аўтар артыкула Вера Данілаўна Міцкевіч – дачка Данілы Канстанцінавіча і сталы аўтар “Роднага слова”. #Міцкевіч #Колас #беларускаялітаратура #музей #культура #часопіс #літаратура #РоднаеСлова

Васілю Быкаву – 100 І ява існая, і цуд!.. Ён недзе тут. Ну так, ён недзе тут. Ён побач, поплеч ён, ён з намі — знаёмымі, сябрамі і сынамі, з Ірынаю сваёй, сваёй краінай, па-летняму то светлай, то журлівай. . . . . . . . . . . . . . . . . . . . . . . . . . . . . . . . Я вам кажу, што тут ён недзе, на гэтым свеце і у гэтым леце, на беразе жывой ракі. Цяпер, заўсёды і на ўсе вякі. Ён недзе тут. Анатоль Вярцінскі, "Памяці Васіля Быкава"

Дзень памяці паэта Генадзя Бураўкіна. Дзесяць гадоў без Генадзя Мікалаевіча… Звонка і доўга Зязюля кувала. А мне ўсё гадоў Было мала і мала. А мне ўсё хацелася Матчынай ласкі, Сяброўскай спагады І Боскай падказкі. А мне ўсё карцела, Нібы ў маладосці, У далечы ўгледзець Таемнае штосьці. І сэрца прасіла У свеце лядачым Хоць трошачкі сілы, Хоць трошачкі ўдачы. Кувала зязюля. І ўсе яе чулі… І радасна верыў я Шэрай вяшчунні… Фота Валерыя Дубоўскага. #Бураўкін #беларускаялітаратура #памяць #беларускаямова #культура #літаратура #РоднаеСлова #паэты_Беларусі #мова

“Жыць, ці ня жыць – пытаньне вось у чым…” Толькі ў “Родным слове”: гісторыя шэкспіраўскага “Гамлета” па-беларуску з нагоды 460-годдзя вялікага драматурга. Беларуская рэцэпцыя класічнага твора сусветнай літаратуры сёння адлічваецца ад перастварэння Юркі Гаўрука, што ўбачыла свет у 1935 г. Між тым у Цэнтральнай навуковай бібліятэцы НАН Беларусі захоўваецца рукапіс перакладу Івана Краскоўскага, ажыццёўлены ў 1929 г., які ўпершыню трапляе ў фокус даследчыцкай увагі. Артыкул сталага аўтара “Роднага слова”, кандыдата філалагічных навук Міколы Труса выйдзе ў красавіцкім нумары. Яшчэ можна падпісацца на яго папяровую версію на сайце і ў аддзяленнях Белпошты, электронная копія заўсёды даступная для замовы на сайце часопіса. #беларускаялітаратура #беларускаямова #падпіска #нумар #красавік #пісьменства #вясна #творцы #літаратура #РоднаеСлова #паэты #часопіс #культура

Самыя шчырыя віншаванні на пачатку вясны!