08.2024 Йошкар-Олалан 440 ий теме.Кече эрденак пылаан ыле,кечывал деч вара йу"р йу"раш ту"нале.
Аркадий Букетов-Сайн 19.09.1976 ийыште " ЙОШКАР-ОЛА НЕРГЕН МЫЙ ШОНКАЛЕМ…" акростихым возен.
Йошкар-Ола нерген мый шонкалем,
Омем денат ужам марий олам.
Шӱмбел таҥемла порын саламлем,
Кунам туддене угыч вашлиям.
Арамлан огыл тидым мый ойлем,
Рифмем ару чон дене пӧлеклем.
Ок лий ӱшташ - возалтын шӱм-кылеш.
Лирический у сем лыжган лоҥеш…
А илыш сылне - йӧршын шонанпыл,
Нал тудын деч чыла, нигуш ит шыл.
Еҥга, я шольо, лийза пиалан.
Родем – влак, илыза теат чолган.,
Гӱжла мардеж, колам, пиал нерген.
Еш илыш куштыш муро шулдырем.
Нектар гыч мӱйым пуйто погкалем, -
Мӱкш семын ямле сийым ямдылем.
Ыра шӱм-чон, модеш вӱр капыштем.
Йошкар-Ола пӧлеклыш пиалем.
Шӱмбел таҥемла тудым мый саклем.
Ола ӱмбалне кече шыргыжеш.
Нера садер кандалге эр южеш.
Какшан гына ок шоно каналташ.
Авамла ӱжӧ йӱштылын лекташ.
Лиеш тек ныжыл тыныслык эре.
Ешлан кӱлеш пиал чыла вере…
Мый шонкалем йӧратымем нерген!
Присоединяйтесь к ОК, чтобы подписаться на группу и комментировать публикации.
Нет комментариев