АССАЛОМУ АЛЕЙКУМ....
Юрагимда йўқдир сизга ёмонлик,
Кўнгил сирингизни билмоққа келдим.
Ўйламанг, озорлар бермоққа эмас,
Нозик кўнглингизни олмоққа келдим.
Не нафдир дилингиз оғритганимдан?
Умрингизга қувонч бермоққа келдим.
Ёқармикин сизга қалбим сўзлари?
Нозик кўнглингизни олмоққа келдим.
Булут қопламасин асло юзингиз,
Кўзингиз шодлигин кўрмоққа келдим.
Энг ширин сўзлардан гулдаста ясаб,
Нозик кўнглингизни олмоққа келдим.
Бағрингиз титратган ҳасратларингиз,
Ғаму, ситамларни қувмоққа келдим.
Оғриқ жонингизга малҳам бўлай деб,
Нозик кўнглингизни олмоққа келдим.
Биздан бир ёмонлик ўтмас сиз томон,
Ёмонлар ҳийласин бузмоққа келдим.
Бир сипоҳингиздек тинчингиз пойлаб,
Нозик кўнглингизни олмоққа келдим.
Мана сизга қалбим сиздан ўтмасин,
Қалбингизга ишқим илмоққа келдим.
Лойиқ кўрсангиз гар биз бир қулингиз,
Қайноқ кўнглингизда қолмоққа келдим.
Аслида кўнглингиз бузмоққа эмас,
Нозик кўнглингизни олмоққа келдим.
Присоединяйтесь к ОК, чтобы подписаться на группу и комментировать публикации.
Комментарии 12