Сагынып сага барайын десем,
Сабалап учуп кеткениң кандай?
Саамайы жарык жаркылдак курбум,
Санаага түшүп чөккөнүм кандай?
Биз жүргөн шаарды эстейли десем,
Бир дайның айтпай өткөнүң кандай?
Билими бийик билерман курбум,
Билгизбей ооруңу өчкөнүң кандай?
Жаштыктын шаарын кыдырып келип,
Жакшы күндөрдө жолуксак дегем.
Жаркырак жылдыз жайдары курбум,
Жамалың жабып четтедиң келбей.
Алтындан ашык кымбатым элең,
Алымы сураар курдашым элең.
Ааламда сендей табылбас эми,
Ажайып асыл сырдашым элең.
Күмүштөн ашык күндөйүм элең,
Күйүнсөм күлүп сураарым элең.
Күйүткө салдың гүлдөйүм Дилаш,
Күн сайын эстеп турармын эми.
Шаттыкта дайым бек жаша дегем,
Шайлоо үчүн дагы көп жаша дегем.
Шашпачу элең маанайың жайнап,
Шашылыш алдап кеткениң кандай?
Уулуңу үйлөп урмат көр дегем,
Кызыңан кымбат кызмат көр дегем.
Уулдар өсүп, гүлдөй кыз эстүү,
Урматын көрбөй убайда кеттиң.
Балдарды баштап турарда айтып,
Бакыттын чайын сунарда балкып.
Башкача болмок баардыгы аттиң,
Бар болуп эле турсаңчы аттиң.
Келинден кел кел келээрде аттиң,
Кемибей эми өнөөрдө аттиң.
Кейитип кеттиң кер марал курбум,
Керилип эсен жүрсөңчү аттиң.
Ак жайык ордуң бош калды курбум,
Ак Кандай ыссык дос калды курбум.
Аргасыз аттиң айласыздык ай,
Апаңды дагы боздоттуң курбум.
Көк жайык ордуң бош калды курбум,
Көк асман шаарың кош калды курбум.
Көңүлсүз көктөм өзүңсүз күндөр,
Көптөрдү дагы өксүттүң курбум.
Бийиктеп учкан куш болдуң кайып,
Бир бооруң калды бир боору майып.
Бир кылым өтсүн миң кылым өтсүн,
Бир туугандарыңы муң басып аттиң.
Жакшы укта курбум жалпыга жаккан.
Гүлмира Конушбаева
3 июль 2023 жылы Диля Исраилова.
Балдарына, аяш апабызга, бир туугандарына группалаштары көңүл айтабыз.
Диля өрнөктүү өмүр сүрдү.
Присоединяйтесь к ОК, чтобы подписаться на группу и комментировать публикации.
Комментарии 1