Предыдущая публикация
ЭТНАЎСЁ — гэта ўнікальная база дадзеных публікацый па этнаграфіі Беларусі. Анлайн-частка ўключае апісанні тэкставых і мультымедыйных публікацый, разбітыя па каталогах...
ethno.by
А навошта збіраць публікацыі ў базу?
Па-першае — гэта прыгожа. Па-другое — зручна. Па-трэцяе — гэта ж, прабачце, модныя сёньня big data, "вялікія дадзеныя"! А значыць аналіз. Напрыклад, можна ўбачыць, з чаго насамрэч складаецца этнаграфія Беларусі.
Перад вамі — мапа з агульнай колькасцю публікацый па этнаграфіі па раёнах Беларусі. Чым цямнейшы раён на мапе - там больш адтуль матэрыялаў. Улічаны апісаныя ў базе (а апісаныя яшчэ ня ўсе) аўдыёрэлізы, фільмы, кнігі, матэрыялы прэсы (стан на кастрычнік 2017). Зразумела, што з апрацоўкай і даданнем новых матэрыялаў карцінка будзе карэктавацца, але нейкія высновы можна зрабіць ужо цяпер.
Цэнтральная частка Палесся, як бачым, наперадзе Беларусі ўсёй. Параўнацца з ім могуць хіба Глыбоцкі і Веткаўскі раёны. Але царом этнаграфічнай гары адназначна аказваецца Лельчыцкі раён. Чаму? Менавіта там знаходзяцца слынныя спеўныя вёскі Тонеж і Глушкавічы, "каменныя дзевачкі" ў Баравым і Данілевічах і г.д. Вось што там ёсьць: http://ethno.by/lakatsyi/564584460 І ўзнікаюць пытанні. Ці то гэты рэгіён сапраўды настолькі багацейшы за астатнія? Ці туды многа ездзеяць, бо там многа матэрыялу ці проста многа матэрыялу, бо туды многа ездзяць па даўно пратаптаных сцежках? Ці не грунтуецца беларуская этнаграфія ўсяго на пары дзесятках самых "спеўных" вёсак? Як думаеце?
#этнаўсё #ethnoby #палессе #лельчыцкіраён #картаграфаванне #этнаграфі
Следующая публикация
Нет комментариев