Предыдущая публикация
Qishki teri muammolari har bir ayolga yaxshi tanish
☢☢☢☢☢☢☢☢☢☢
. Ularning oldini olish va bartaraf etish uchun quyidagi choralarni e`tiboringizga taqdim etamiz. Foydasi tegadi degan umiddamiz.
1. Lablar yorilmasin desangiz…
Qish kunlari namlantiruvchi lab bo`yoqlaridan foydalanmang. Bu vosita huddi yaltirab tutuvchi lab bo`yoqlari singari labni quritib yuboradi. Kunlar soviy boshlashi bilan har bir ayolning yonida olib yuradigan vositalari qatoriga gigienik lab bo`yog`i bo`lishi lozim. Agar labingiz allaqachon quruqlasha boshlagan bo`lsa, shakar va o`simlik moyidan tayyorlangan skrabdan foydalaning.
2. Ajin tushmasligi uchun…
Bilasiz, inson tanasida suv juda muhim ahamiyatga ega. Qish kunlari foydalanadiganimiz turli isitgichlar esa nafaqat xonadagi, balki terimizdagi namlikni ham bug`lantirib yuboradi. Hech e`tibor berganmisiz, kumush faslda uyqudan uyg`ongach, burun quruqlashib qoladi. Bu xonani namlantirish kerakligining eng asosiy belgilaridan biri. Endi maxsus moslama xarid qilarkanman-da deb, kuyunmang. Albatta, moslamangiz bo`lsa, nur ustiga a`lo nur, biroq imkon topolmasangiz, qo`lbola usullardan foydalanishingiz mumkin. Shunchaki tokchaga biror tog`oracha yoki og`zi ochiq idishda suv qo`yib qo`ysangiz kifoya. Ha aytgandek, terim qurib qolayapti, deb namlantiruvchi kremlardan foydalanishga oshiqman. Xonadagi quruq havo ta`sirida bunday kremlar yuzingizdagi bor namlikni shimib, ahvolni yanada yomonlashtirishi mumkin. Teridagi suvning bug`lanib ketishi ajinlarni keltirib chiqaradi. Ha aytganday, eng asosiysi, yoddan ko`tarilmasin. Endi kerak bo`lsa yozdagidan-da ko`proq suv ichishga harakat qiling.
3. «Qanday krem tanlay?»
Yuz parvarishi uchun qishki krem tanlash o`ziga yarasha mas`uliyatli jarayon. Bunda birinchi navbadta maxsulotning qadog`iga diqqat qilasiz. Agar mahsulot tarkibiy qismining birinchi so`zi moy (oil) bo`lsa, bu aynan qishda asqatadigan vosita. Chunki tabiiy moylar terini tashqi sovuqdan, shamoldan, ayozdan himoyalaydi. Mabodo suv (water) yozuviga ko`zingiz tushsa, bunday kremlardan kunduzi foydalana olmaysiz. Lekin voz kechish ham tavsiya etilmaydi. Ularni uyquga ketishdan avval qo`llang. Hozir yangi parvarish vositasi xarid qilishni cho`ntagingiz ko`tarmasa, tungi kremdan kunduzi, kunduzgisidan tunda foydalaning.
4. SPFdan voz kechmaymiz!
Garchi bu faslda quyosh bulutlar ortiga yashirinsa-da, uning ultrabinafsha nurlari baribir terimizga ta`sir qiladi. Shuning uchun hatto qish kunlarida ham SPF miqdori 15 foizdan kam bo`lmagan kremlardan foydalanish tavsiya etiladi.
5. Issiq suvdan ehtiyot bo`ling
Ko`pchilik terini namlantirish uchun issiq dush qabul qilish kerak, deb o`ylaydi. Aslida boshqa hech bir amaliyot terini issiq suvchalik quruqlashtirmaydi. Chunki issiq suv qon tomirlarini kengaytiradi. Natijada teridagi namlik bir zumda bug`lanib ketadi. Buning oldini olish uchun esa xoh ertalab bo`lsin, xoh kechqurun, faqat iliq suvdan foydalaning.
6. Telefoningizdan unumli foydalaning
Haftada ikki bor yuz uchun niqoblardan foydalanishni kanda qilmang. Zamonaviy xonimlar uchun alohida taklif. O`zingizga g`amxo`rlik qilishni unutib qo`ymasligingiz uchun esa telefoningizdagi taqvimni ochasiz-da, bir kunni belgilab, go`zallik muolajasini amalga oshirasiz. Bu «Charchadim, boshqa muhimroq ishlarim qolib ketayapti» degan bahonalaringizni yo`qqa chiqarish uchun ham zarur. Belgilagan kuningiz taqvimingizning o`zi muolajalar vaqti etganini eslatib turadi. Shu bilan erinchoqligingizni oson engasiz.
Следующая публикация
Комментарии 4
yotgan qizla manga salomalaykum dib yozin xamasi oramizda qoladi