Предыдущая публикация
6 декабря (23 ноября по юлианскому календарю) – Святого Благоверного Великого Князя Александра Невского (в схиме Алексия) (1263).
День тезоименитства Светлейшего Князя Александра Георгиевича.
Праздник Императорского Ордена Святого Благоверного Великого Князя Александра Невского.
Тропарь, глас 4: Яко благочестиваго корене пречестная отрасль был еси, блаженне Александре: яви бо тя Христос, яко некое Божественное сокровище Российстей Земли, новаго Чудотворца, преславна и благоприятна. И днесь сошедшеся в память твою верою и любовию, во псалмех и пениих радующеся славим Господа, давшаго тебе благодать изцелений: Его же моли спасти град сей, и державе Сродник твоих Богоугодней быти, и сыновом российским спастися.
Кондак, глас 8. Подобен: Яко начатки: Яко звезду тя пресветлую почитаем, от востока возсиявшую и на запад пришедшую: всю бо страну сию чудесы и добротою обогащаеши, и просвещаеши верою чтущия память твою, Александре блаженне. Сего ради днесь празднуем твое успение, людие твои сущии: моли спасти Отечество твое, и державу Православной ВЕЛИКОЙ КНЯГИНИ нашей МАРИИ ВЛАДИМИРОВНЫ возставити, и вся притекающия к раце мощей твоих, и верно вопиющия ти: радуйся, граду нашему утверждение.
***
Молитва святому Благоверному Великому Князю Александру Невскому
Скорый помощниче всех усердно к тебе прибегающих и теплый наш пред Господем предстателю, святый Благоверный Великий Княже Александре!
Призри милостивно на ны, недостойныя, многими беззаконии непотребны себе сотворшыя, к раце мощей твоих (или ко святей иконе твоей) ныне притекающыя и из глубины сердца взывающыя.
Ты в житии твоем ревнитель и защитник Православныя Веры был еси: и нас к ней теплыми твоими к Богу молитвами непоколебимы утверди.
Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави.
Ты, победив полки супостатов, от пределов российских отгнал еси: и на нас ополчающихся всех видимых и невидимых врагов низложи.
Ты, оставив тленный венец Царства земнаго, избрал еси безмолвное житие, и ныне праведно венцем нетленным увенчанный на небесех царствуеши: исходатайствуй и нам, смиренно молим тя, житие тихое и безмятежное, и к Вечному Царствию шествие неуклонное твоим предстательством устрой нам.
Предстоя же со всеми святыми Престолу Божию, молися о всех православных христианех, о Благочестивейшей Благоверной Государыне нашей Великой Княгине Марии Владимировне, о наследнике ея Благоверном Государе Цесаревиче и Великом Князе Георгии Михайловиче, о супруге его Благоверной Княгине Виктории Романовне, о сыне их Благоверном Князе Александре Георгиевиче, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца, и Сына, и Святаго Духа, ныне, и присно, и во веки веков. Аминь.
http://www.imperialhouse.ru/rus/imperialhouse/orthodox/guardia
Следующая публикация
Комментарии 1