*ОДОБ-АХЛОҚ *ТАЪЛИМ-ТАРБИЯ ФАТВОЛАР
Муҳаммад Ҳабибуллоҳ
Савол :
Фарзандларимизга Иброҳим ва Мунзир деб исм қўйиш суннатми? Мунзир исмининг маъноси нима?
Жавоб :
Алҳамдулиллаҳ;
Расулуллоҳ соллаллоҳу алайҳи ва салламнинг уч ўғил фарзандлари бўлиб, биринчисининг исми Қосим, иккинчисининг исми Абдуллоҳ, учинчисиники эса Иброҳим бўлган. Шунга биноан, Расулуллоҳ соллаллоҳу алайҳи ва салламга эргашган ҳолда инсон фарзандига шу уч исмдан бирини қўйса, суннат амалга эргашган бўлади. Лекин Расулуллоҳ соллаллоҳу алайҳи ва салламнинг Мунзир исмли фарзандлари бўлмаган. Мунзир исми араб тилида “огоҳлантирувчи” маъносини билдиради, валлоҳу аълам.
Илова:
Исмлар ҳақида батафсил маълумот олиш учун қуйидаги фатвога мурожаат қилинг:
IxlosOrg саҳифаси: http://ixlos.org/?p=5513 Facebook ижтимоий тармоғи: https://www.facebook.com/IxlosOrg/posts/1789438307985986 Савол :
Фарзанд туғилганида унинг қулоғига азон ва иқомат айтилади. Бундан бошқа қилиниши керак бўлган ишлар ҳам борми?
Жавоб :
Алҳамдулиллаҳ;
Расулуллоҳ соллаллоҳу алайҳи ва саллам Ҳасан розияллоҳу анҳу туғилганида унинг қулоғига азон айтганлари тўғрисида келган ҳадиснинг саҳиҳ ёки заифлигида уламолар ўртасида ихтилоф бор. Шу ҳадисни саҳиҳ деган уламолар чақалоқнинг қулоғига азон айтиш суннат дейишган бўлса, ҳадисни заиф деганлар бу амал суннат эмас, дейишган. Биз бу борада Абу Рофеъ розияллоҳу анҳудан ривоят қилинган ҳадисни заиф деб билсак-да, мазкур ҳадисни саҳиҳ деган фикрга биноан, бу амални суннат дейдиган биродарларимизнинг ишларини ҳам инкор қилмаймиз. Бироқ чақалоқнинг чап қулоғига иқомат айтиш тўғрисида келган ҳадис собит эмас. Шунга биноан, боланинг чап қулоғига иқомат айтиш суннат эмас.
Шунингдек, фарзанд етти кунлигида унга ақиқа қилиш, унинг сочини олиш ва сочининг вазнича кумуш садақа қилиш суннат. Чунки Самура розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Болага баъзи яхшиликларнинг етиши унга ақиқа қилинишига боғлиқ. Бола етти кунлигида ақиқа қилинади, сочи олинади ва унга исм қўйилади” – деганлар (Ибн Можа ривояти, 3165-ҳадис). Баъзи ривоятларда: “ва сочининг вазнича кумуш ёки кумуш қийматига тенг маблағ садақа қилинади” – деган қўшимча бор. Агар еттинчи кунида ақиқа қила олмаса, балки кейинроқ, ҳатто орадан бир қанча йиллар ўтиб кетгач қилса ҳам бўлаверади. Ибн Сийрин роҳимаҳуллоҳ: “Агар менга ақиқа қилинмаган бўлганида, ўзимга атаб ақиқа қилган бўлардим” – деганлар (Ибн Абу Шайба ривояти, 24718-ҳадис), валлоҳу аълам.
Присоединяйтесь к ОК, чтобы подписаться на группу и комментировать публикации.
Нет комментариев