Предыдущая публикация
💐 ХОЛАЖОН
Онамга ўхшаган нурли юзлигим,
Тўйиб эркалатган ширин сўзлигим,
Осмонда юлдузим, оҳу кўзлигим,
Меҳр-ла сийлаган, гулим жонажон.
Жониз омон бўлсин, жоним Холажон!
Тўйимда даврани тўлдириб ўйнанг,
Қўлиздан бир умр Қуръонни қўйманг,
Менинг изҳорларим ҳазилга йўйманг,
Онамдек бўласиз ҳар он қадрдон.
Жониз омон бўлсин, жоним Холажон!
Онамни ёнида туринг ҳар маҳал,
Мен учун сўзингиз тиллодан афзал,
Бирга уюштиринг Хажларга сафар,
Онамга ўхшаган энг-энг меҳрибон!
Жониз омон бўлсин, жоним Холажон!
Гап-гаштакка боринг, тўйларга боринг,
Бизларни ҳар маҳал дуолар қилинг,
Ҳурматим чексиздир сиз шуни билинг,
Ардоқда бўласиз, ҳар дам, ҳар замон.
Менинг дуогўйим, жоним Холажон!
Следующая публикация
Нет комментариев