Sog'inib kutdim,
Sog'indi sochlarim har bir tolasi.
Ilinj mador bo'ldi charchaganimda,
Bosib kelaverdi tunning qorasi. Diydoring tiladim oppoq tonglardan,
Titroq maysalarga sirlarim ochdim.
Bahordan izladim iforlaringni,
Eng toza hislarim yo'lingga sochdim. Seni uzoq kutdim... yuz yilcha kutdim,
G'unchalar ochildi, gul bo'ldi xazon.
Qay bir kun men seni toparman dedim,
Saharlar ketidan kelaverdi shom. Goho bezib ketdim, baridan bezdim,
Ammo qo'yolmadim seni duodan.
O'zim ham tushunmas dardimsan sezdim,
Yana so'rayverdim seni xudodan... Seni uzoq kutdim... ming yilcha kutdim,
Qo'rqdim, so'nmasaydi yurakdagi shaxd.
Yillar oqib o'tar, imillar kunlar,
Qaydasan kutganim...Sog'inganim...BAXT!!!
Присоединяйтесь к ОК, чтобы подписаться на группу и комментировать публикации.
Нет комментариев