Предыдущая публикация
Шайтон тўшак устига чўп ташлаб қўяди
▪
Абу Умомадан ривоят қилинади:
«Шайтон бирортангизнинг тўшагига уни аҳли тўшаб, тайёрлаб қўйганидан кейин келади ва унга чўпми, тошми ёки бирор нарсани унинг аҳлидан аччиғини чиқариш учун ташлаб қўяди.
Агар ўша нарсани топса, аҳлидан ғазабланмасин. Чунки бу шайтоннинг ишидир».
Шарҳ:
Бир кишининг аёли, бола-чақаси, хизматчилари ўтириш учун тўшакларни тайёрлаб қўйган бўлса, шайтон унинг устига бирон нарса ташлаб қўяр экан. Чунки унинг мақсади уй аҳлини ўша киши билан жанжаллаштириб қўйишдир. Бирортангиз ўшандай халақит берадиган нарсани кўриб қолса, аччиқланмасин, аҳлидан ғазабланмасин, чунки бу шайтоннинг ишидир.
Кўриб турибмизки, оиланинг аҳиллиги, иноқлигини сақлаш учун улуғ бир одоб жорий қилинган экан. Аҳли аёл оила раҳбарининг ҳурмати учун ўтирадиган жой тайёрлаб қўйса, лекин шайтон туфайли кимнингдир эсидан чиқибми, ёш болалар ўйнаб келиб ташлаб кетибми, ўша жойда бирор кўнгилсиз нарса топилиб қолса, дарров бақириб-чақириб, жанжал кўтармасдан, хизматда турган ҳеч бир айбсиз кишиларга дашном бермасдан, балки сабр билан, буни шайтондан деб билиб, унинг васвасасига учмай, ундан устун келиш лозим экан.
«Одоблар хазинаси» китобидан
•••••┄┄┄┄༻❅༺┄┄┄┄•••••
Ёлгон гапир!
Бир одам хотинидан:
"Мени севасанми?" - деб сўраб, қасам ичдирди.
Хотини:
- "Йўқ, севмайман", - деди.
Бунинг хабари Умар розияллоҳу анҳуга етиб келди ва у аёлдан:
- "Эрига "Сени ёмон кўраман", деб айтган хотин сенмисан?" - дея сўрадилар.
Аёл:
- "Ҳа, у мендан “Аллоҳ ҳаққи айт”, деб туриб олди. Мен ёлғон гапиришга журъат қилолмадим", - дея жавоб қилди.
Шунда ҳазрати Умар дедилар:
- "Ёлғон гапир!!!
Агар сизлардан бирингиз бировни ёқтирмаса, бу ҳақда унга сўзламасин!!!
Чунки жуда кам оилаларгина муҳаббат устига қурилади. Одамлар Ислом ва эҳсон асосида яшашади".
Ҳазрати Умарнинг фиқҳларига тасаннолар!!!Яъни, оилалар фақатгина муҳаббат узра бахтли бўлмайди. Балки гўзал оилавий ҳаёт учун кўпроқ Ислом ва бир-бирига яхшилик қилиш боис бўлади.
Следующая публикация
Комментарии 11