ՌՈՔ ՀԱՄԵՐԳ ԵՎ ԱԶԳԱԳՐԱԿԱՆ ՊԱՐԵՐ «ԹՌՉԿԱՆ» ճԱՄԲԱՐՈւՄ

Հարգելի ընկերներ, վերջապես հայրենի կառավարությունն առաջին քայլը կատարեց Թռչկան ջրվեժի հիմնախնդրի լուծման ուղղությամբ: Սակայն դա չի խանգարում «ԹՌՉԿԱՆ» վրանային ճամբարում նախապես հայտարարված միջոցառումների կայանալուն: Այսպիսով, այս կիրակի՝ նոյեմբերի 6-ին «ԹՌՉԿԱՆ» վրանային ճամբարում «Պահպանենք «Թռչկան» ջրվեժը» քաղաքացիական նախաձեռնությունը կազմակերպում է ռոք համերգ «Որդան կարմիր», Lousnelius, Shelby, Yan և Dreamers ռոք խմբերի կատարմամբ, որից հետո «Պարենք հայերեն» երիտասարդական նախաձեռնության անդամների հետ կսովորենք ու կպարենք մեր ազգագրական պարերից մի քանիսը: Բոլորին կոչ ենք անում մասնակցել այս աննախադեպ միջոցառմանը՝ ևս մեկ անգամ մեր հավատարմությունը հայտնելով Թռչկանին և, փաստորեն, տոնելով մեր հաղթանակը: Հանդիպում ենք կիրակի՝ նոյեմբերի 6-ին, առավոտյան 8:30-ին, Ավ. Իսահակյանի արձանի մոտ Գրանցման վերջնաժամկետը՝ շաբաթ, 18:00 Տոմսի արժեքը՝ 3.000 դրամ Գրանցվել կարող եք՝ զանգահարելով Էդգարին (094 89 55 16) կամ Մերիին (091 23 43 70)