Предыдущая публикация
Olloh degan qandu asal paydo qildi,
Oxiratda olloh birla savdo qildi,
Amal qilg'on chin olimni dono qildi,
Jonu dilda Haq zikrin ayting, do'stlar.
Esiz olim, amal qilmay yo'lda qolur,
O'qub uqmay dunyo molin qo'lg'a olur,
Manmanlikdin, esiz, umrin zoe qilur,
Jonu dilda Haq zikrin ayting, do'stlar.
Olim uldur namoz o'qub toat qilsa,
Haqdin qo'rqub, oxiratni g'amin ysa,
Quron o'qub, Haqdin qo'rqub zor ingrasa,
Jonu dilda Haq zikrin ayting, do'stlar.
Andog' olim ikki ko'zi giryon bo'lur,
Saharlari erta turub nolon bo'lur,
Ishq yo'lida kuyub, yonib biryon bo'lur,
Jonu dilda Haq zikrin ayting, do'stlar.
Qul Xoja Ahmad, olay desang Haqdin ulush,
Boyaziddek nafsing bila tun - kun urush,
Ey, bexabar, ummat ersang budur ravish,
Jonu dilda Haq zikrin ayting, do'stlar.
Следующая публикация
Нет комментариев