Предыдущая публикация
БЎЛМА!
Айтган бўлсанг гапингда тур,
Ҳар кимга ваъдабоз бўлма.
Юрсанг битта ёр билан юр,
Ҳар ёрга ишқибоз бўлма!
Ичинг билан устинг бир қил,
Ёлғон билан ростинг бир қил,
Душман билан дўстинг бир қил,
Ҳар касга лўттибоз бўлма!
Ўйласанг ўйлагин бутун,
Куйласанг куйлагин бутун,
Ўйнасанг ўйнагин бутун,
Олғир масхарабоз бўлма!
Амалинг келишсин сўз-ла,
Юрагинг келишсин кўз-ла.
Нима бўлсанг бўлгин дўст-ла,
Чин дўстга эътироз бўлма!
Дунёларга кулиб келдинг,
Кимлигингни билиб келдинг -
Ўғил бола бўлиб келдинг,
Энди аёлга хос бўлма!
Х. Ҳамидов.
Следующая публикация
Комментарии 1