Duman göz yaşından məni unutma.
Partdaq-partdaq sinəm dolu yara var.
Bir ömürdür qışdaüzüm ağ olmur.
Ehtiyacım dolu qucaq qara var.
Öz evimi yıxıb çəkdiyim qəhər.
Necə deyim ürək səbr et bir təhər.
Bir daha üzümə açılma səhər.
Dağ boyda dərdimə sanma çarə var.
Sevincdən əlimi daha üzmüşəm.
Sevincin yerinə kədər düzmüşəm.
Kədər badəsinə zəhər süzmüşəm.
Çünki meylim yalnız o azara var.
Mənim talehimə kədər qəm yazıb.
Görən gözlərimə daim nəm yazıb.
Bilmirəm nəyi çox, nəyi kəm yazıb.
Ürək dolu sözüm bəxt yazara var.
İbo yığ yükünü gözləyir qatar.
Bir gün gec, bir gün tez ürəyin yatar.
Əbəs fəryad etmə dada kim çatar.
Səninçün də bilet o qatara var.
Присоединяйтесь к ОК, чтобы подписаться на группу и комментировать публикации.
Нет комментариев