Предыдущая публикация
Замонавий аёллар...
Замонавий аёллар- таҳорат олишади,
Тирноқлари ўстирилган ва лак қўйилган!
️ Замонавий аёллар, намоз ўқишади, аммо вақтида эмас! Ҳаёлларида сериаллару кўнгилочар ўйинлар ва интернет!
Замонавий аёллар,қўшиқлар куйлаб, эшитиб иш қилишади, аммо зикрни унитишади.
Замонавий аёллар, рўмол ўрашади. Қошлар терилган,соч олди қисми (чёлка) кўринган.
Рангдор, безалган ва тор-танқис кийимда юришади.
️ Замонавий аёллар, эрларидан руҳсат сўраб сўрамай, кафе бар шунга ўхшаш жойларда ўтиришади. Тўй тантаналарда рақсга тушишади. Интернет орқали номаҳрамлар билан дўст тутиниб, ёзишадилар ва тортишадилар.
Замонвий аёллар, атир ва пардоз воситаларидан фойдаланиб, эркаклар олдида бемалол юрадилар.
️ Замонавий аёллар, замон билан ҳам нафас бўлиб яшашни исташади, аммо ўзларини "Муслима" деб билишади ва даъволари эса Жаннат!
«...Ким Аллоҳ ва Унинг Пайғамбарига осий бўлса,бас,у очиқ йўлдан озиш билан озибди.»
(Аҳзоб 36- оят )
Бир уйлаб кўринг:
Ёпинчиқ ўраб юришимизга замон йўл қўймаса ҳам, аммо пардоз қилиб, ясан- тусан қилишимизга мажбур қилолмайди!
Бир уйлаб кўринг:
Замон бизни тўй-тантана, дугоналар билан учрашишга ундаса ҳам Аллоҳ таоло уйда ўтиришликни буюрган! Бизни судраб уйимиздан олиб чиқолмайди!
«Ўз уйларингизда барқарор бўлинглар (магар бирон ҳожат учун чиққанларингда эса ) илгариги динсизлик (даври) даги ясан-тусан каби ясан-тусан
қилманглар!»
(Азҳоб 33- оят )
Бир уйлаб кўринг:
Замон бизни интернетга
киришга чорласа ҳам, аммо номаҳрамлар билан ҳоҳ ошкор, ҳоҳ яширин тарзда ёзишишга мажбур қилолмайди!
Бир уйлаб кўринг:
Замон телефонда гаплашишга мажбур қилса ҳам, ғийбат ва сафсата сотишга ундолмайди.
Бир уйлаб кўринг:
Замон бизни йўлдан адаштирса ҳам, Қиёматда тарафимизни ололмайди!
Следующая публикация
Нет комментариев