Школа.

Па ўспамінах маёй бабулі, Батура(Дзедавец )Таццяны Дзмітраўны,школа ў вёсцы Рэцемля была адкрыта ў першай палове 20 гадоў мінулага стагоддзя.Першыя некалькі гадоў яна размяшчалася па хатах,не маючы сталага памяшкання. Крыху пазней мясцовыя мужчыны талакой у адзін год нарыхтавалі лес ,перавезлі яго з Няміраўшчыны ў вёску,а на другі, пабудавалі будынак школы ў самым цэнтры вёскі. Хто аплаціў будаўнічы матэрыял,ці яго бясплатна выдзеліў граф О’Рурк? Невядома.
У фондах Навагрудскага занальнага архіва захоўваюцца дакументы, якія падцвярджаюць існаванне ў вёсцы пачатковай школы ў 1928,1935 гадах.Па ўспамінах бабулі ,у даваены час у Рэцямлянскай школе працавал з дзесятак настаўнікаў.Прысутнічала пастаянная іх рататацыя. Людская памяць захавала прозвішчы некаторых: Касперскай Софьі Іванаўны і Шпілеўскай Алены Францаўны.Павага да настаўніка ў той час была з боку насельніцтва бязмежнай.
У 1940-1941гг. Школа таксама працавала .Выкладанне вялося на беларускай мове.Настаўнікам працава Хуталевіч Марыя Самуілаўна.
У гады Вялікай Айчыннай вайны школа таксама дзейнічала.У гэты час тут працавала настаўніцай Сярогіна Алена Міхайлаўна 1911г.н.
Пасля вайны школа аднавіла работу з 01.09.1944года.Будынак школы ў вайну не пацярпеў.
Да 1950 года школа мела статус пачатковай,пазней няпоўнай сярэдняй школы.
З 1968 і да закрыцця ў 1976 годзе школа функцыянавала як пачатковая.Будынкі школы ,а іх было два былі драўлянымі,пакрытыя дранкай(дошчачкай).Агульная плошча складала 219 квадратных метраў.Мелася 6 класных пакояў плошчай 156 метраў квадратных.Прышкольны вучэбна доследны ў частак быў плошчай 0,5 га.Пры школе быў добры фруктовы сад,рэшткі якога засталіся да нашага часу.
У 1952-1953 навучальным годзе ў Рэцямлянскай НСШ было 10 класаў камплектаў,навучалася 170 дзяцей.
1956-1957 навучальны год- у школе 95 вучняў якія былі згодна ўзросту размеркаваны па класах:
1 кл.-14 вучняў
2кл.-6 вучняў
3 кл.-9 вучняў
4 кл.-8 вучняў
5 кл.-27 вучняў
6 кл.-20 вучняў
7 кл.-11 вучняў
Да ліку непаспяваючых, па выніках гэтага навучальнага года, было аднесена 12 вучняў.
1958-1959 навучальны год-у школе 94 вучні.
У 1959- 1960 навучальным годзе з фонду ўсенавуча была аказана 35 вучням школы грашовая дапамога на суму 3000 рублёў.
1969-1970 навучальны год.Школа двухкамплектная,навучалася 30 дзяцей.
1973-1974 навучальны год-у школе адзін клас-камплект і 9 вучняў.
01.09.1976 года школа была закрыта.