Канадалик олимлар телевизорни кўп томоша қиладиган болалар келажакда муаммоларга дуч келишини айтишмоқда.
Агар бола экран қаршисида ортиқча ўтирса, сўз бойлиги кам, мактабдаги дарсларда диққатини тўплашга ва математика масалаларини ечишга қийналадиган бўлиб қолади. Бунинг олдини олиш мумкин – икки ёшгача бўлган болаларга кунига икки соатдан кўп телевизор кўришига рухсат бермаслик керак.
Монреал университети профессори Линда Паганининг айтишига қараганда, телевизор қаршисида ўтказилган ортиқча вақт келгусида салбий оқибатларни келтириб чиқаради. Кичик ёшдаги болаларни биринчи навбатда дунёни танишга ўргатадиган ўйинларга ва бошқалар билан муомала қилишга ўргатиш керак. Акс ҳолда «телебола» кейинчалик жисмонан кўримсизлиги ва гапларни бирданига илғаб ололмаслиги туфайли синфдошларининг калакасига учраши мумкин.
Доктор Пагани бу хулосага келишдан олдин Квебекда яшовчи икки мингга яқин болаларни текшириб, уларнинг қанча вақт телевизор томоша қилганини аниқлади ва натижани боланинг ривожланиши билан солиштириб чиқди. tib.uz
Присоединяйтесь к ОК, чтобы подписаться на группу и комментировать публикации.
Нет комментариев