Молышт умбакыже мурат. Клубыш кайыше-влак тушто мурат, куштат, ӱстел йыр савырнат да пуртымашке пӧртылыт.
Пуртыма гыч наҥгайыме годым ӱдыр ача-аважлан, суртысо ешлан тувырым чиктен кода. Тидын годым тыгай муро-влакым мурат:
Олыкым яраш она кодо –
Каваным оптен кодена.
Суртаным яра она кодо –
Тувырым чиктен кодена.
Эртак пазар, эртак пазар –
Теҥге окса вел кодын.
Эртак сӱан, эртак сӱан –
Ик пар катам вел кодын.
Ӱстел гына, ӱстел гына...
Ӱстел гына ныл йолан.
Сӱан вате, сӱан вате,
Сӱан вате койышан.
Кӱкшӧ клат ончылныжо
Йолет сакен мом шинчет?
Мыланна мийышаш шешке улат гын,
Тарваныде мом шинчет?
Писте висте 5 кинде.
Тулар, имньым кычке ынде.
Тулар, имньым от кычке гын,
Ӱдырым йолын наҥгайна.
Мария Гареева
Присоединяйтесь к ОК, чтобы подписаться на группу и комментировать публикации.
Нет комментариев