Предыдущая публикация
Бир инсон бор дунёга арзир,
Тоғдек бардош, осмондек сабр,
Ҳозир эмас,ҳозироқ, ҳозир,
Онангизга қўнғироқ қилинг
Жон томирин узган сизни деб,
Уйқуларин бузган сизни деб
Умри ўтар ўғил-қизни деб
Онангизга қўнғироқ қилинг
Неча дўстни йўқлайсиз ҳар кун,
Бола-чақа,бағрингиз бутун
Майли,лоақал илтифот учун,
Онангизга қўнғироқ қилинг.
Кўнгли ярим,бор умиди сиз,
Сиззиз бутун дунёда ёлғиз,
Ич-ичидан йиғлайди унсиз,
Онангизга қўнғироқ қилинг.
Деманг давлат иши ўйинми,
Тирикчилик эгди бўйинни
Беш дақиқа топиш қийинми
Онангизга қўнғироқ қилинг
Следующая публикация
Нет комментариев